ભાજપના MLA મધુ શ્રીવાસ્તવનું વધુ એક વિવાદિત નિવેદન સામે આવ્યું છે. ભાજપ કાર્યાલય ઉદ્વાટન પ્રસંગે મધુ શ્રીવાસ્તવે કહ્યું કે, પોલીસ અને કલેક્ટર તંત્રને મારા ખિસ્સામાં લઇને ફરૂ છું.
વાઘોડિયાથી ભાજપના ધારાસભ્ય મધુ શ્રીવાસ્તવ તેમના દંબગ અંદાજ માટે જાણિતા છે. જાણે તેમને કોઈની પણ બીક ન હોય તેમ ખુલ્લેઆમ ધમકીઓ આપે છે. ઉઠાવી દેવાની, મારી નાંખવાની ધમકીઓ આપે છે. પરંતુ ભાજપ પાર્ટી આ બધુ મુકદર્શક બની જોયા કરે છે. તેમની સામે કોઈ કાર્યવાહી નથી કરતી. હવે વધુ એક તેમનું વિવાદિત નિવેદન સામે આવી છે. જેમાં તેઓ પોલીસ અને કલેક્ટર તંત્રને પોતાના ખિસ્સામાં રાખવાની વાત કરી રહ્યા છે. જોકે આ અંગે નાયબ મુખ્યમંત્રીએ પ્રતિક્રિયા પણ આપી છે.
શું બોલ્યા મધુ શ્રીવાસ્તવ?
ભાજપના ધારાસભ્ય મધુ શ્રીવાસ્તવે કહ્યું કે, પોલીસ અને કલેક્ટર તંત્રને મારા ખિસ્સામાં લઇને ફરૂ છું. કોઇની તાકાત નથી મારો કોલર પકડી બતાવે. દેશ આઝાદ છે, આપણે પણ આઝાદ છીએ.
મધુ શ્રીવાસ્તવનું આ પ્રકારનું નિવેદન યોગ્ય નથીઃ DyCM નીતિન પટેલ
ભાજપ ધારાસભ્ય મધુ શ્રીવાસ્તવનાને DyCM નીતિન પટેલે અયોગ્ય ગણાવ્યુ છે. નીતિન પટેલે કહ્યું કે, મધુ શ્રીવાસ્તવનું આ પ્રકારનું નિવેદન યોગ્ય નથી. પોલીસ કે કલેકટરને ખીસ્સામાં રાખવાની વાત કોઈ ન કરી શકે. આ પ્રકારની વાત કરવી એ અયોગ્ય છે. નાના કર્મચારીને પણ કોઈ ખીસ્સામાં ન રાખી શકે. કોઈ પણ વ્યક્તિના વિરુદ્ધ ખરાબ ન બોલવું જોઈએ.