સુરતના ઓલપાડના ધારાસભ્ય મુકેશ પટેલે સોશ્યલ મીડિયામાં એક પોસ્ટ મૂકી હતી કે તેમણે સ્મશાનો માટે લાકડાની વ્યવસ્થા કરાવી છે.
સુરતના MLA સોશ્યક મીડિયામાં ટ્રોલ થયા
ઓલપાડના MLA મુકેશ પટેલએ સ્મશાનમાં લાકડાં આપ્યા
ધારાસભ્યની પોસ્ટ પર વિવિધ પ્રકારની થઈ રહી છે કોમેન્ટ
ભાજપના ધારાસભ્ય ફસાયા
ગુજરાતમાં કોરોના વાયરસના કારણે સતત કેસ વધી રહ્યા છે ત્યાં જનતાને અત્યારે નેતાઑની જરૂર છે ત્યારે કોઈ મોટો નેતા આજે હોસ્પિટલના દરવાજે દેખાતો નથી. સોશ્યલમ મીડિયામાં પણ અમુક જ ધારાસભ્યો છે જે જનતાની સેવામાં દેખાઈ રહ્યા છે ત્યારે ભાજપના ધારાસભ્ય મુકેશ પટેલ સ્મશાન માટે લાકડાની વ્યવસ્થા કરાવીને ફસાયા છે.
ધારાસભ્યએ લાકડાની વ્યવસ્થા કરાવી આપવાની ખાતરી આપી
ગુજરાતમાં કોરોના વાયરસના કારણે દિવસેને દિવસે લોકો મરી રહ્યા છે અને મોતનો આંકડો સતત વધી રહ્યો છે. ઘણી જગ્યાઓ પરથી એવા દ્રશ્યો સામે આવ્યા છે કે જય દર્દીઓ સારવાર વિના જ હોસ્પિટલની બહાર દમ તોડી રહ્યા છે. રાજ્યમાં સ્મશાનો ફૂલ છે, લોકોને અંતિમ વિધિ માટે કલાકોની કલાકો સુધી રાહ જોવી પડી રહી છે અને જાણે આ મહામારીમાં અંતિમ સંસ્કાર માટે અફરાતફરીની સ્થિતિ છે ત્યાં સુરતના ઓલપાડના ધારાસભ્ય મુકેશ પટેલે સોશ્યલ મીડિયામાં એક પોસ્ટ મૂકી હતી કે તેમણે સ્મશાનો માટે લાકડાની વ્યવસ્થા કરાવી છે.
લોકોએ ધારાસભ્યને કરી નાંખ્યા ટ્રોલ
મુકેશ પટેલે પોસ્ટમાં કહ્યું કે સ્મશાન ભૂમિમાં લાકડાની જરૂર હતી તેથી વ્યવસ્થા કરાવી છે આપી છે અને જરૂર પડ્યે વધારે લાકડાની પણ ખાતરી આપી છે. આ પોસ્ટ મૂક્યા બાદ સોશ્યલ મીડિયામા લોકો રોષે ભરાયા છે. ધારાસભ્યની આ પોસ્ટમાં લોકો તેમને ખૂબ ટ્રોલ કરી રહ્યા છે ત્યારે કે જીવતા જોગ તમે બેડ નહીં, ઈંજેક્શન નહીં, ઑક્સીજન નહીં પરંતુ લાકડાની વ્યવસ્થા કરાવી તે માટે અમે ખૂબ આભારી છીએ. લોકો કહી રહ્યા છે કે ધારાસભ્ય લાકડાની વ્યવસ્થા કરીને ગર્વ લઈ રહ્યા છે તો એક વ્યક્તિએ કટાક્ષમાં કહ્યું છે કે આવા ધારાસભ્ય ભગવાન બધાને આપે જે મરેલા લોકો માટે લાકડા ખૂટવા દેતા નથી.