ગુજરાત વિધાનસભાની ચૂંટણીને લઇને ભાજપ કોંગ્રેસના નેતાઓને વેલકમ કરવા તૈયાર
ગુજરાતનાં વિધાનસભા 2022ની તૈયારીઓ
ભાજપ ભરતી પ્રક્રિયા શરુ કરવાના મોડમાં
કોંગ્રેસના અગ્રણી નેતાઓ રડાર પર
યુપી સહિત ચાર રાજ્યોમાં રાજ તિલકની તૈયારીઓ થવા લાગી છે ત્યારે હવે ગુજરાતમાં પણ ચૂંટણીનું રણશિંગુ ફૂંકાઇ ગયુ છે. ગુજરાતની જનતા વચ્ચે બે વર્ષ બાદ પ્રથમ વખત પીએમ મોદી રોડ શો કરી રહ્યા છે. બીજી તરફ પાર્ટીના પંચાયત મહાસંમેલનમાં તેઓ સંબોધન કરશે એટલે કે આજથી જ ગુજરાત વિધાનસભા 2022નું બ્યૂગલ ફુંકાઇ જશે . ત્યારે હવે આ પરિણામો જોતા ગુજરાત વિધાનસભાની ચૂંટણીમાં ભવ્ય જીત મેળવવા માટે રાજકીય પાર્ટીઓએ કમર કસવાનું શરુ કરી દીધુ છે.
ભાજપનું ભરતી મિશન
જેમ જેમ ચૂંટણીઓ નજીક આવતી જાય તેમ પક્ષ પલટાનો દોરશરુ થઇ જતો હોય છે ત્યારે હવે ભાજપે સૌરાષ્ટ્રમાં કોંગ્રેસના નેતાઓને વેલકમ કરવા માટે મિશન શરુ કર્યુ છે. કોંગ્રેસના અગ્રણીઓ અને ધારાસભ્યના નામ પર બેચમાર્ક રેડી કરવામાં આવ્યો છે. ગીર સોમનાથ, જામનગર અને રાજકોટના કોંગ્રેસના ધારાસભ્યો રડારમાં છે. આ ઉપરાંત સુરેન્દ્રનગર, દ્વારકાના કોંગ્રેસના ધારાસભ્યો પણ ભાજપની નજરમાં છે.
પક્ષપલટાની મોસમ થશે શરુ
પાંચ રાજ્યોના પરિણામ જોતા હવે કોંગ્રેસ, ભાજપ અને આપ સહિત અનેક રાજકીય પક્ષોએ ગુજરાત વિધાનસભાની ચૂંટણીને લઇને તૈયારીઓ શરુ કરી દીધી છે. હવે તો રાજકીય પાર્ટીઓમાં રીતસરની ખેંચમતાણી શરુ થશે. ન માત્ર ભાજપ પરંતુ અન્ય રાજકીય પક્ષોએ પણ ભરતી માટે તૈયારીઓ શરુ કરી છે. મોટા ગજાના સામાજિક અગ્રણીઓ રાજકીય પક્ષોમાાં જોડાઇ શકે છે.