ગુજરાતમાં લોકસભાની 26માંથી 26 સીટ ભાજપે જીતી છે ત્યારે જાણો આ ઉમેદવારોએ કેટલી લીડથી જીત મેળવી છે. અમદાવાદ પૂર્વથી ભાજપના હસમુખ પટેલ 4 લાખ 34 હજાર મતથી વિજયી થયા. અમદાવાદ પશ્ચિમથી ભાજપના કિરીટ સોલંકી 3 લાખ 21 હજાર મતથી જીત્યા. ગાંધીનગરથી ભાજપના અમિત શાહની 5 લાખ 57 હજાર મતથી જીત મેળવી.
મહત્વનું છે કે લોકસભાની સૌથી મોટી જીત હોય તો તે લીડ 6.89 લાખની છે. 2014માં મહારાષ્ટ્રની મોટી બેઠક પર થયેલ પેટાચૂંટણીમાં પ્રીતમ મુંડેએ ચૂંટણી જીતી હતી. ગોપીનાથ મુંડેનુ અકસ્માતે મોત થયા બાદ આ બેઠક પર પેટા ચૂંટણી થઇ અને તેમની નાની દીકરી પ્રીતમે રેકોર્ડ માર્જિનથી ચૂંટણી જીતી હતી. 2019ની ચૂંટણીમાં ભાજપ તરફથી એક બીજી મોટી જીત દાખલ થઇ છે. આ છે ગુજરાતના નવસારી બેઠકના ઉમેદવાર સી.આર.પાટીલ. તેમણે 6 લાખ 89 હજાર મતોથી જીત મેળવી છે. જેને લઇને તેમણે દેશમાં બીજા નંબરના અને ગુજરાતમાં પ્રથમ નંબરના સૌથી વધુ મતોથી જીતનાર ઉમેદવાર સાબિત થયા છે.
ગુજરાતમાં સૌથી વધુ મતથી ભાજપે નવસારી બેઠક જીતી જ્યારે લીડમાં બીજા નંબર વડોદરાથી ભાજપના રંજનબેન ભટ્ટ 5 લાખ 89 હજાર મતથી વિજયી બન્યા છે.
તો અમરેલીથી ભાજપના નારણ કાછડીયા 2.01 લાખ મતથી વિજયી થયા. જ્યારે આણંદથી ભાજપના મિતેષ પટેલ 1.97 લાખ મતથી અને બનાસકાંઠાથી ભાજપના પરબત પટેલ 3 લાખ 68 હજાર મતથી વિજયી થયા. બારડોલીથી ભાજપના પ્રભુ વસાવા 2 લાખ 15 હજાર મતથી જીત્યા જ્યારે ભરૂચથી ભાજપના મનસુખ વસાવા 3 લાખ 34 હજાર મતથી વિજયી થયા. ભાવનગરથી ભાજપના ભારતીબેન સિયાળ 3 લાખ 29 હજાર મતથી જીત મેળવી છે.
તો છોટાઉદેપુરથી ભાજપના ગીતાબેન રાઠવાનો 3 લાખ 77 હજારથી મતથી વિજય બન્યા. દાહોદથી ભાજપના જશવંતસિંહ ભાભોરનો 1 લાખ 27 હજાર મતથી જીત્યા. જ્યારે જામનગરથી ભાજપના પુનમ માડમનો 2 લાખ 36 હજાર મતથી અને જૂનાગઢથી ભાજપના રાજેશ ચુડાસમાની 1 લાખ 50 હજાર મતથી જીત મેળવી.
તો કચ્છથી ભાજપના વિનોદ ચાવડાની 3 લાખ 5 હજાર મતથી જીત્યા છે જ્યારે ખેડાથી ભાજપના દેવુસિંહ ચૌહાણનો 3 લાખ 67 હજાર મતથી વિજય થયા. મહેસાણાથી ભાજપના શારદાબેન પટેલ 2 લાખ 81 હજાર મતથી વિજયી થયા.
તો પંચમહાલથી ભાજપના રતનસિંહ રાઠોડ 4 લાખ 28 હજાર મતથી જીત્યા છે. જ્યારે પાટણથી ભાજપના ભરતસિંહ ડાભી 1 લાખ 93 હજાર મતથી વિજયી થયા છે. પોરબંદરથી ભાજપના રમેશ ધડૂક 2 લાખ 29 હજાર મતથી જીત મેળવી. રાજકોટથી ભાજપના મોહન કુંડારીયા 3 લાખ 68 હજાર મતથી વિજયી થયા. જ્યારે રાજકોટથી ભાજપના મોહન કુંડારીયા 3 લાખ 68 હજાર મતથી વિજય મેળવ્યો છે.
વાત કરીએ સાબરકાંઠાની તો ભાજપના સાબરકાંઠાથી ભાજપના દિપસિંહ રાઠોડ 2 લાખ 68 હજાર મતથી વિજયી થયા છે. તો સુરતથી ભાજપના દર્શના જરદોષ 5 લાખ 48 હજાર મતથી જીત મેળવી છે. સુરેન્દ્રનગરથી ભાજપના મહેન્દ્ર મુંજપુરા 2 લાખ 77 હજાર મતથી વિજયી થયા છે. જ્યારે વલસાડથી ભાજપના કે.સી.પટેલનો 3 લાખ 53 હજાર મતથી જીત થઇ છે.