મોદી સુનામી સમગ્ર દેશમાં આવી છે ત્યારે ગુજરાતની પણ તમામ 26 બેઠક પર ભાજપની જીત યથાવત રહી છે. ત્યારે આ 26 ઉમેદવારોએ કેટલી લીડથી મેળવી જીત? કોણ ક્યાંથી જીત્યું? કોણ સૌથી વધુ લીડથી જીત્યું?
ગુજરાતમાં લોકસભાની 26માંથી 26 સીટ ભાજપે જીતી છે ત્યારે જાણો આ ઉમેદવારોએ કેટલી લીડથી જીત મેળવી છે. અમદાવાદ પૂર્વથી ભાજપના હસમુખ પટેલ 4 લાખ 34 હજાર મતથી વિજયી થયા. અમદાવાદ પશ્ચિમથી ભાજપના કિરીટ સોલંકી 3 લાખ 21 હજાર મતથી જીત્યા. ગાંધીનગરથી ભાજપના અમિત શાહની 5 લાખ 57 હજાર મતથી જીત મેળવી.
મહત્વનું છે કે લોકસભાની સૌથી મોટી જીત હોય તો તે લીડ 6.89 લાખની છે. 2014માં મહારાષ્ટ્રની મોટી બેઠક પર થયેલ પેટાચૂંટણીમાં પ્રીતમ મુંડેએ ચૂંટણી જીતી હતી. ગોપીનાથ મુંડેનુ અકસ્માતે મોત થયા બાદ આ બેઠક પર પેટા ચૂંટણી થઇ અને તેમની નાની દીકરી પ્રીતમે રેકોર્ડ માર્જિનથી ચૂંટણી જીતી હતી. 2019ની ચૂંટણીમાં ભાજપ તરફથી એક બીજી મોટી જીત દાખલ થઇ છે. આ છે ગુજરાતના નવસારી બેઠકના ઉમેદવાર સી.આર.પાટીલ. તેમણે 6 લાખ 89 હજાર મતોથી જીત મેળવી છે. જેને લઇને તેમણે દેશમાં બીજા નંબરના અને ગુજરાતમાં પ્રથમ નંબરના સૌથી વધુ મતોથી જીતનાર ઉમેદવાર સાબિત થયા છે.
ગુજરાતમાં સૌથી વધુ મતથી ભાજપે નવસારી બેઠક જીતી જ્યારે લીડમાં બીજા નંબર વડોદરાથી ભાજપના રંજનબેન ભટ્ટ 5 લાખ 89 હજાર મતથી વિજયી બન્યા છે.