ગાંધીનગર / CAAને લઇને ભાજપનો માસ્ટર પ્લાન, ગુજરાતમાં ચલાવાશે આ અભિયાન

• CAA પર ભ્રમ દુર કરવા દરેક જિલ્લામાં રેલી કરશે ભાજપ
• ગુજરાત ભાજપ દ્વારા ચલાવાશે અભિયાન
• દેશભરમાં 250થી વધુ પ્રેસ કોનફરન્સ કરવાનો પ્લાન

નાગરિકતા સંશોધન કાયદા(CAA)ને લઈને રાજ્યમાં પણ ઉગ્ર વિરોધ થઈ રહ્યો છે. ત્યારે હવે ગુજરાત ભાજપ દ્વારા લોકોમાં જાગૃતિ આવે તે માટે અભિયાન કરવાનો નિર્ણય કરવામાં આવ્યો છે. NRC અને CAAને લઇને જન જાગૃતિ ફેલાવવા અભિયાન શરૂ કરાશે. NRCના ફાયદા અંગે લોકોને માહિતગાર કરાશે. સાથે રાજ્યના મુસ્લિમોને નવા કાયદા વિશે માહિતી અપાશે. 

રવિવારે અભિયાનના કાર્યક્રમની રૂપરેખા માટે બેઠક યોજાશે. ગાંધીનગર કમલમ્ કાર્યાલયમાં સીએમ રૂપાણીની આગેવાનીમાં રવિવારે બેઠક મળશે. આ બેઠકમાં જીતુ વાઘાણી સહિતના પ્રદેશના નેતાઓ બેઠકમાં હાજર રહેશે.

ભાજપના સૂત્રોના જણાવ્યા અનુસાર, પાર્ટીના નેતા નાગરિકતા સંશોધન કાયદા(CAA) વિશે લોકોને સ્પષ્ટ જાણકારી આપવા માટે સમગ્ર દેશમાં 250 પ્રેસ કોન્ફરન્સ કરશે. સાથે જ દરેક જિલ્લામાં નાગરિકતા સંશોધન કાયદાના પક્ષમાં રેલી અને કાર્યક્રમોનું પણ આયોજન કરવામાં આવશે. 

ભાજપની યોજના લગભગ 3 કરોડ પરિવારોને નાગરિકતા કાયદાના સંબંધમાં જાણકારી આપવાની છે. આ પહેલા પ્રધાનમંત્રી નરેન્દ્ર મોદીએ વિપક્ષી દળો પર નાગરિકતા કાયદાને લઇને જુઠ ફેલાવવા અને પ્રદર્શન માટે લોકોને ઉશ્કેરવાનો આરોપ લગાવ્યો હતો.