ભાજપ સંગઠન માળખામાં થઇ શકે છે મોટા ફેરફાર. ટૂક સમયમાં ગુજરાત ભાજપને નવા પ્રદેશ અધ્યક્ષ મળી શકે છે. ભાજપે સંગઠનમાં નવી વરણીની કવાયત શરૂ કરી છે. સંગઠનમાં ફેરફાર માટે ચર્ચા કરવા આજે મુખ્યમંત્રી વિજય રૂપાણીના નિવાસસ્થાને બેઠક યોજાશે. સિનિયર મંત્રીઓને તાત્કાલિક ગાંધીનગર આવવા સૂચના અપાઇ છે.
ભાજપના સંગઠન માળખામાં થઈ શકે છે ફેરફાર
આવતીકાલે CM નિવાસ સ્થાને સંગઠન મુદ્દે બેઠક યોજાશે
નવા પ્રદેશ પ્રમુખનું નામ નક્કી કરવામાં આવશે
રાજ્યસભાની ચૂંટણી અગાઉ નવા માળખાની જાહેરાત થઈ શકે છે
સવારે 9.30 કલાકે ઉચ્ચ સ્તરીય બેઠક યોજાશે. જેમાં નવા પ્રદેશ પ્રમુખનું નામ નક્કી કરવામાં આવશે. અને પાર્ટી અધ્યક્ષનું નામ નક્કી કર્યા બાદ નામની જાહેરાત થઇ શકે છે. મહત્વનું છે કે વર્તમાન પ્રદેશ પ્રમુખ જીતુ વાઘાણીની ટર્મ પૂર્ણ થઇ રહી છે. જેથી આજે નવા પ્રમુખના નામની જાહેરાત થઇ શકે છે.
ગુજરાતના રાજકારણમાં હાલ મહત્વના ફેરફારો આવી રહ્યા છે. ભાજપ રાજ્યસભામાં પોતાની એકપણ બેઠક જતી કરવા માંગતુ નથી ત્યારે કોંગ્રેસ પોતાની પાસે જે છે તેને બચાવવામાં લાગ્યુ છે. ભાજપમાં પ્રદેશ પ્રમુખ તરીકે કોની વરણી થશે તે અંગે ચર્ચાનું બજાર ગરમ છે. ગુજરાતમાં તેમાંય ગાંધીનગરમાં હાલ આ વાતો વહેતી થઈ છે.
સૂત્રોના જણાવ્યાનુસાર કેટલાક લોકોના કામથી ભાજપના ઉપરી નેતા નારાજ છે વળી ખુદ ભાજપના આંતરિક વિખવાદને મેનેજ કરવા તેમજ કોંગ્રેસમાંથી કેટલીક શરતો સાથે આયાતી ઉમેદવારોને પણ સેટ કરવા મામલે હાલ ભાજપ સંગઠનમાં કવાયત હાથ ધરાઈ છે.