ભાજપ પ્રદેશ સંગઠનના માળખામાં ફેરફારને લઈને ઘણી અટકળો લગાવવામાં આવી રહી છે. ત્યારે નવા પ્રદેશ પ્રમુખની વડાપ્રધાન મોદી અને અમિત શાહ સાથેની મુલાકાત સૂચક મુલાકાત છે. દિલ્હીથી ગુજરાતના ભાજપ માળખા અંગેનું લિસ્ટ આવ્યું હોવાની ચર્ચા થઈ રહી છે. ત્યારે આ લિસ્ટમાં કોના પત્તા કપાશે અને કોના નવા નામ ઉમેરાશે તે અંગે ચર્ચાઓનું બજાર ગરમ છે.
હાઈકમાન્ડે મોકલાવ્યું લિસ્ટ?
કેટલા હોદ્દા વિશે ચર્ચા?
કોના કોના નામની છે ચર્ચા
સુરતના બાહુબલી નેતા ગણાતા C R Patil ને ગુજરાત ભાજપ સંગઠનના પ્રમુખનો પદભાર સંભાળી લીધો છે ત્યારે હવે સંગઠનમાં ફેરફરાની પ્રવૃત્તિ શરૂ કરી દેવામાં આવી છે. પ્રદેશ પ્રમુખ તરીકે નામની જાહેરાત થતાની સાથે પાટીલ દિલ્હી પહોંચ્યા હતા. જે એક શુભેચ્છા મુલાકાત ગણાઈ રહી હતી પરંતુ ખરેખરી વાત સંગઠનના નવા હોદ્દાઓના નામ અંગે ચર્ચા માટે અને આ નામના લિસ્ટ માટે જ પાટીલની આ મુલાકાત હોવાનું રાજનૈતિક વર્તુળોમાં ચર્ચાઈ રહ્યુ છે.
Met @BJP4Gujarat President Shri @CRPaatil Ji. Hailing from a humble background, he rose the ranks in the Party and distinguished himself as an outstanding Karyakarta. His work as MP has also been appreciated. Am sure under his leadership the Gujarat BJP will scale newer heights. pic.twitter.com/bzCoTZL6ZP
હાલ સંગઠનમાં 4 મહામંત્રી, 9 પ્રદેશ મંત્રી અને 8 ઉપાધ્યક્ષો કાર્યરત છે જેમાંથી ઘણાને રિપિટ કરવામાં આવશે અને ઘણાને પડતા મૂકાશે. આ વખતે સંગઠનમાં ઉ.ગુજરાત અને સૌરાષ્ટ્રના નેતાઓને સ્થાન મળવાની પ્રબળ શક્યતાઓ છે. વળી પાટીદાર ફેક્ટર પણ વિચારવામાં આવશે.
કેટલા હોદ્દા વિશે ચર્ચા?
વર્તમાન સમયમાં પ્રદેશ ભાજપનાં જો મુખ્ય હોદેદારોની વાત કરવામાં આવે તો પ્રદેશ પ્રમુખ ઉપરાંત 8 પ્રદેશ ઉપપ્રમુખ, 4 પ્રદેશ મહામંત્રી અને 9 પ્રદેશ મંત્રી,1 સ્ટેટ કોર્ડીનેટર ઇન્ચાર્જ,1 પ્રદેશ પ્રવક્તા,1 પ્રદેશ કોષધ્યક્ષ અને 1પ્રદેશ કાર્યાલય મંત્રીને સ્થાન આપવામાં આવ્યું છે. ત્યારે હવે જોવાનું રહશે કે આગામી 3 વર્ષે માટે સી આર પાટીલની પ્રદેશ ટીમમાં કેટલા નવા ચહેરા અને કેટલા જૂના ચહેરાનો સમાવેશ થાય છે.
કોના કોના નામની છે ચર્ચા
જો પ્રદેશ ભાજપના મહામંત્રી ની વાત કરવામાં આવે તો, સહ સંગઠન મહામંત્રી ભુખુભાઈ દલસાણીયા ઉપરાંત પ્રદેશ ભાજપનાં ચાર મહામંત્રીઓને પણ બદલવાનું નિશ્ચિત માનવામાં આવી રહ્યું છે. વર્તમાન સમયમાં ભરતસિંહ પરમાર, મનસુખ માંડવિયા, કે સી પટેલ અને શબ્દશરણ બ્રહ્મભટ્ટ છે. તેમના બદલે સૌરાષ્ટ્માંથી ગોરધન ઝડફિયા, ઉતર ગુજરાત માંથી રજની પટેલ, મધ્ય ગુજરાત માંથી ભાર્ગવ ભટ્ટ, ભરત પંડ્યા ,પ્રદીપસિંહ વાઘેલા, અમિત ઠાકર તો દક્ષિણ ગુજરાત માંથી પૂર્ણેશ મોદીનું નામ અગ્રેસર ચાલી રહ્યું છે.