ST બસના અકસ્માતોની સંખ્યા દિવસેને દિવસે વધતી જ જાય છે ત્યારે 'એસટી અમારી સલામાત સવારી' ખરેખર જોખમી પુરવાર થઈ રહી છે. ગુજરાતમાં થતા અકસ્માતોમાં STના અકસ્માતનો ફાળો કંઈ જેવો તેવો નથી. આજે સવારે ST બસે એક બાઈકને હડફેટે લેતા બે જણાના મોત થયા છે. આ ઘટના પાલીતાણા- અમદાવાદ રોડ ઉપર ઘટી હતી. બાઈક સવારના ઘટના સ્થળે જ મોત થયા હતા.
પાલીતાણા-અમદાવાદ રોડ પર અકસ્માત
ST બસે બાઇક પર જતા પિતા પુત્રને લીધા અડફેટે
ધંધુકા નજીક સર્જાયો અકસ્માત
ભાવનગર જિલ્લામાં પાલીતાણા- અમદાવાદ રોડ ST બસની અડફેટે પિતા-પુત્રના મોત થતા અરેરાટી ફેલાઈ ગઈ હતી. આ ગોઝારો અકસ્માત પાલીતાણા-અમદાવાદ રોડ પર ધંધુકા પાસે થયો હતો. આ અકસ્માતને પગલે આસપાસના લોકો અને પોલીસ કાફલો ઘટના સ્થળે દોડી આવ્યો હતો પરંતુ બાઈક સવાર પિતા-પુત્રને બચાવી નહોતા શકાયા. ત્યારે ફરી એક વાર ST બસ દ્વારા વધી રહેલા અકસ્માતની ચર્ચા ચઢી છે.
ST બસે બાઇક પર જતા પિતા-પુત્રને ધંધુકા પાસે હડફેટે લીધા હતા. જેમાં બંનેના જીવ ગયા છે, પ્રાથમિક તપાસમાં જાણવા મળ્યુ છે કે, મૃતકોના નામ પાનેલિયા હાર્દિક અને પાનેલિયા રમણિકલાલ હતુ. જેમાં હાર્દિકની ઉમંર 29 વર્ષ જ હતી. પોલીસે હાલ તો અકસ્માતે મોત નોંધીને તપાસ હાથ ધરી છે.
સલામત સવારી, એસ.ટી. અમારી, પણ બેઠા પછી જવાબદારી તમારી..
ST બસ ચાલકોની લાપરવાહીને કારણે છેલ્લા કેટલાક સમયથી અકસ્માતમાં વધારો થઈ રહ્યો છે ત્યારે ST બસની સલામત મુસાફરી વિશે સવાલો ઉઠાવાઈ રહ્યા છે.