ઉદ્ઘાટન / 131 કરોડના ખર્ચે દિલ્હીના અકબર રોડ પર બન્યું 'ગરવી ગુજરાત ભવન', પીએમ મોદી આજે કરશે ઉદ્ધાટન

દિલ્હીમાં આજે ગુજરાતને એક અનોખી ભેટ મળશે. ગરવી હુડરાત ભવનનું આજે લોકાર્પણ કરવામાં આવશે. પીએમ મોદી અને સીએમ વિજય રૂપાણી સહિત તેમજ રાજ્યપાલ આચાર્ય દેવવ્રત પણ ઉપસ્થિત રહેશે. ઉલ્લેખનીય છે કે 2 વર્ષ અગાઉ એટલે કે 2017માં સીએમ રૂપાણીએ ગરવી ગુજરાત ભવનનો શિલાન્યાસ કર્યો હતો. હવે તેનું લોકાર્પણ કરવામાં આવશે. કોંગ્રેસ મુખ્યાલયથી ઓળખાતા અકબર રોડની ઓળખ હવે બદલાશે. એક ગુજરાત ભવન કૌટિલ્ય માર્ગ પર છે અને હવે બીજું ગરવી ગુજરાત ભવન અકબર રોડ પર બન્યું છે. 

આવું છે 'ગરવી ગુજરાત ભવન'?

25 સપ્ટેમ્બર 2017ના દિવસે CM રૂપાણીએ શિલાન્યાસ કર્યો હતો. એક ગુજરાત ભવન કૌટિલ્ય માર્ગ પર છે જ્યારે આ બીજું અકબર રોડ પર બન્યું છે. અકબર રોડ અત્યાર સુધી કોંગ્રેસ મુખ્યાલયથી ઓળખાતો હતો. અકબર રોડ પર VIP લોકોના નિવાસ સ્થાન છે જ્યાં ગરવી ગુજરાત ભવન બન્યું છે. 131 કરોડ રૂપિયા ફાળવવામાં આવ્યા હતા પરંતુ તેનાથી ઓછા બજેટમાં બન્યું ભવન.

ગુજરાત ભવનમાં ઈકો ફ્રેન્ડલી સુવિધાઓનું સંપૂર્ણ ધ્યાન રાખવામાં આવ્યું છે. 7 હજાર વર્ગ મીટર ક્ષેત્રમાં ફેલાયેલું છે વૈભવી ગરવી ગુજરાત ભવન. નવી ઈમારત ગુજરાતની આધુનિકતા અને પરંપરા પર આધારિત છે. ગરવી ગુજરાત ભવનની ઈમારત કુલ 7 માળની છે અને સુંદર ડિઝાઈનથી બની છે. ભવનમાં હરિયાળી અને વોટર હાર્વેસ્ટિંગનું પણ ધ્યાન રાખવામાં આવ્યું છે. માત્ર 21 મહિનામાં નેશનલ બિલ્ડિંગ્સ કંસ્ટ્રક્શન કોર્પોરેશને ભવનનું નિર્માણ કર્યું. VIP લોંજ, બહુઉપયોગી હોલ સાથે ગરવી ગુજરાત ભવનમાં કુલ 79 રૂમ છે. બહુઉપયોગી હોલમાં એક સાથે 200 જ્યારે ડાઈનિંગ હોલમાં 75 લોકો બેસી શકે છે. નવા ગુજરાત ભવનમાં ગુજરાતી વ્યંજનોનો સ્વાદ માણી શકાશે. હાલનું ગુજરાત ભવન કૌટિલ્ય માર્ગ પર છે અને 1400 વર્ગમીટરમાં બનેલું છે. ગુજરાતની જરૂરિયાતો વધી એટલે 2 વર્ષ પહેલા નવા ભવનનો શિલાન્યાસ થયો. ભવન માટે જમીન કેન્દ્ર સરકારે આપી છે અને નિર્માણ ખર્ચ ગુજરાત સરકારે કર્યો.  

ગુજરાત ભવનનું નિર્માણ આગરા અને ધૌલપુરના પથ્થરોથી કરવામાં આવ્યું છે. ભવનમાં અત્યાધુનિક 19 સ્યૂટ રૂમ, 79 રૂમ, બિઝનેસ હોલ અને કોંફ્રેસ હોલ છે. લાયબ્રેરી, યોગા સેન્ટર, જિમ્નેશિયમ, રેસ્ટોરાં અને ડાઈનિંગ હોલની સુવિધા પણ રાખવામાં આવી છે.

ફોટો સૌજન્ય -Twitter.com