મંગળવારે અમંગળ / ભરૂચની ફેક્ટરીમાં બ્લાસ્ટની ઘટના, 12 કિલોમીટર સુધી સંભળાયો અવાજ

• ગુજરાતના ભરૂચમાં બ્લાસ્ટ
• 24 લોકો આગમાં ઘાયલ થયા
• 12 કિમી સુધી બ્લાસ્ટનો અવાજ સંભળાયો

ગુજરાતના ભરુચ જિલ્લામાં મંગળવારની સવાર અમંગળ લઈને આવી છે. અહીંની ઝઘડિયા સ્થિત કેમિકલ કંપની યૂપીએલ - 5ના પ્લાન્ટમાં ધમાકા સાથે આગ લાગી છે. આ ધમાકા અને આગની ઝપેટમાં 24 લોકો ઘાયલ થયા છે. આ ઘટના વહેલી સવારે 2 વાગે બની હતી. 

#WATCH : Massive blast in UPL-5 company's plant at #Jhaghadiya in #Bharuch district. Blast heard in over 10 km radius. Locals from #Dadheda, #Jhagadia and other areas witnessed #earthquake like shaking. pic.twitter.com/q0EgZ3mYiW

— ज़ाहिद अब्बास ZAHID ABBAS 🇮🇳 (@abbaszahid24) February 23, 2021

12 કિમી સુધી અવાજ સંભળાયો

ઘટનાની જામ થતાં જ ઘટના સ્થળે અનેક ફાયરબ્રિગેડની ગાડીઓ પહોંચી છે અને આગ પર કાબૂ મેળવવાની કોશિશ કરાઈ રહી છે. કંપનીના સીએમ નામના પ્લાન્ટમાં આ દુર્ઘટના બની છે. ધમાકાનો અવાજ એટલો પ્રચંડ હતો કે આસપાસના 12 કિમી સુધી અવાજ સંભળાયો અને ભૂકંપ જેવું અનુભવાયું હતું. ગામના લોકો ઘરની બહાર નીકળી આવ્યા હતા. 

24 કર્મચારીઓ થયા ઘાયલ

યૂપીએલની કંપનીમાં બ્લાસ્ટ થતાં આગ લાગવાથી લગભગ 24 કર્મચારીઓ ઘાયલ થયા છે. તેમને ભરુચ અને વડોદરાની હોસ્પિટલોમાં ખસેડવામાં આવ્યા છે. બ્લાસ્ટ કયા કારણે થયો તે હજુ સુધી જાણવા મળ્યું નથી. આગ પર કાબૂ મેળવવાની કોશિશ કરાઈ રહી છે. આગના કારણે ચારે તરફ ધુમાડાના ગોટા જોવા મળી રહ્યા છે. 

પહેલા પણ બની હતી ભરૂચમાં આવી ઘટના

ગયા વર્ષે જૂનમાં ભરુચની એક કેમિકલ ફેક્ટરીમાં બ્લાસ્ટ થયો હતો. આ બ્લાસ્ટ સ્ટોરેજ ટેંકમાં થયો હતો. પટેલ ગ્રૂપની આ કંપનીમાં બ્લાસ્ટના કારણે 10 લોકોના મોત થયા હતા અને 6 લોકોના મૃતદેહ તો બ્લાસ્ટની જગ્યાએ જ મળ્યા હતા. અન્ય 4ના સારવાર સમયે મોત થયા હતા.અને સાથે જ 77 લોકો ઘાયલ થયા હતા.