રાજ્યમાં સાર્વત્રિક વરસાદ પડવાના કારણે કુલ 51 ડેમમાં 100 ટકા જેટલા પાણીની આવક થઈ છે. 51 ડેમ સંપૂર્ણ ભરાઈ જતાં હાઈઅલરર્ટ પર મુકવામાં આવ્યા છે. ગુજરાતમાં છેલ્લા 5 વર્ષોનો સૌથી સારો વરસાદ પડ્યો છે.
સાર્વત્રિક વરસાદથી ડેમ ભરાઈ જતાં દુષ્કાળગ્રસ્ત ગુજરાતને પાણીની અછતમાંથી રાહત મળી છે. 48 કલાક ગુજરાતમાં પડેલા વરસાદના કારણે ગુજરાતમાં પીવાના પાણીની સમસ્યા પણ દૂર થઈ ગઈ છે. તો સિંચાઈ માટેની માગને પહોંચી વળવા માટે પણ હવે સરકાર સક્ષમ બની છે. એટલું જ નહીં નર્મદા ડેમમાં પાણીની ભારે આવક થતાં સરકાર જે ડેમમાં નીર ન આવ્યા હોય ત્યાં ડેમના નીર ઠાલવી રહી છે.
જ્યારે દક્ષિણ રાજસ્થાનમાં લો પ્રેસર સર્ક્યુલેશન સિસ્ટમ સર્જાતાં આગામી 15 અને 16મી ઓગસ્ટે રાજ્યમાં વરસાદની આગાહી કરવામાં આવી છે. રાજસ્થાન બોર્ડર પર આવેલા સાબરકાંઠા અને બનાસકાંઠા જીલ્લામાં સારો વરસાદ થઈ શકે છે. હવામાન વિભાગની આગાહી મુજબ 14મી ઓગસ્ટથી જ ગુજરાતમાં વરસાદી માહોલ બનશે. જેમાં રાજ્યના ઉત્તર, મધ્ય દક્ષિણ અને સૌરાષ્ટ્રમાં વરસાદ પડશે.