ગુજરાતમાં કોરોના વાયરસની મહામારીનો કહેર યથાવત જોવા મળી રહ્યો છે. કોરોના વાયરસને લઇને રાજ્યભરમાં લોકડાઉનનો કડક અમલ કરાવામાં આવી રહ્યો છે. તેમ છતાં લોકો બિનજરૂરી કામને લઇને બહાર આવી રહ્યાં છે. ત્યારે રાજ્યના અરવલ્લીના મોડાસમાં આજથી સંપૂર્ણ લોકડાઉનની જાહેરાત કરવામાં આવી છે.
અરવલ્લીના મોડાસમાં આજથી સંપૂર્ણ લોકડાઉન
મોડાસામાં આજથી બેંકો પણ બંધ રહેશે
અરવલ્લીમાં વધતા કોરોના કેસને લઇ લેવાયો નિર્ણય
પ્રાપ્ત મળતી વિગત અનુસાર ગુજરાતના અરવલ્લી જિલ્લાના મોડાસામાં આજથી સંપૂર્ણપણે લોકડાઉનનો અમલ કરવામાં આવશે. મોડાસામાં આજથી 17 તારીખ સુધી બેંકો પણ બંધ રાખવાનો નિર્ણય લેવામાં આવ્યો છે. જો કે વિવિધ બેંકોના ATM ચાલુ રહેશે.
ઉલ્લેખનીય છે કે રાજ્યમાં આવેલા અરવલ્લી જિલ્લામાં છેલ્લા થોડા દિવસોથી કોરોના પોઝિટિવ કેસોની સંખ્યામાં વધારો જોવા મળી રહ્યો છે. આમ જિલ્લામાં કોરોના વાયરસના વધતા કેસોને લઇને સંપૂર્ણ લોકડાઉનના અમલ સાથે બેંકોને પણ બંધ રાખવાનો નિર્ણય લેવામાં આવ્યો છે.
જો કે મોડાસામાં 17 તારીખ સુધી સંપૂર્ણ લોકડાઉન દરમિયા બેંકો સિવાય દૂધ, દવા,ગેસ વિતરણ સેવા ચાલુ રહેશે. આ સાથે બિન જરૂરી કામ વગર બહાર નિકળનારા સામે કડક કાર્યવાહી કરવામાં આવશે.
કોરોના વાયરસનો ખતરો સતત વધી રહ્યો છે. સરકાર દ્વારા લોકોને ઘરમાં રહેવા અપીલ કરવામાં આવી રહી છે, પરંતુ તેમ છતાં લોકો બજારમાં આવી ભીડ કરી રહ્યાં છે. અરવલ્લીના મોડાસામાં રવિવારે બજારમાં ભીડ જોવા મળી હતી. કરિયાણાની દુકાનમાં મોટી સંખ્યામાં લોકો ઉમટ્યાં હતા. જીવન જરૂરિયાતની ચીજ વસ્તુઓ લેવા લોકોનો ધસારો જોવા મળ્યો હતો.