ગુજરાતમાં છેલ્લા કેટલાક સમયગાળાથી ડ્રગ્સ પકડાવાની ઘટનાઓ છાશવારે બની રહી છે.પહેલા પણ 21 હજાર કરોડનું અને આજે દ્વારકામાં 300થી 350 કરોડનું ડ્રગ્સ મળી આવતા હાહાકાર મચ્યો છે, ત્યારે હવે એક મોટો નિર્ણય લેવામાં આવ્યો છે.
કચ્છની દરિયાઇ સરહદે એલર્ટ
વિવિધ એજન્સીઓએ વધાર્યું પેટ્રોલિંગ
દરિયાઇ સરહદેથી લવાય છે ડ્ર્ગ્સ
રાજ્યમાંથી ફરી ડ્રગ્સનો મોટો જથ્થો ઝડપાતા ચકચાર મચી છે. ગુજરાત જાણે ડ્રગ્સ હેરાફેરીનું કેન્દ્ર બની રહ્યું છે તેવુ ચોક્કસ લાગી રહ્યું છે. મુંદ્રામાં ઝડપાયેલા કરોડોના બાદ આજે દેવભૂમિ દ્વારકામાંથી 66 કિલોથી વધુ જથ્થો મળ્યો હોવાનો ઘટસ્ફોટ થયો છે.
દરિયાઇ સરહદ પર એલર્ટ અપાયું
દ્વારકાના ખંભાળિયા-જામનગર રોડ પરથી ડ્રગ્સ ઝડપાયા બાદ હવે કચ્છની દરિયાઇ સરહદને એલર્ટ કરી દેવામાં આવી છે. કચ્છની દરિયાઇ સરહદે કોસ્ટગાર્ડ, નેવી, BSF અને મરીન પોલીસ દ્વારા પેટ્રોલિંગમાં વધારો કરવામાં આવ્યો છે.દરિયાઇ સરહદે વિવિધ એજન્સીઓ દ્વારા પેટ્રોલિંગ કરવામાં આવી રહ્યું છે. ડ્રગ્સનો જથ્થો દરિયાઇ માર્ગે આવ્યો હોવાની પ્રાથમિક માહિતી સામે આવતા પેટ્રોલિંગમાં વધારો કરાયો છે.
300 કરોડ કરતા વધુની કિંમતનું ડ્રગ્સ દ્વારકામાંથી ઝડપાયું
ગુજરાત ATSએ આંતરરાષ્ટ્રીય બજારમાં 300 કરોડ કરતા વધુ કિંમતના ડ્રગ્સના જથ્થાને દ્વારકાના આરાધના ધામ પાસેથી ઝડપી પાડ્યો છે. સમુદ્ર રસ્તેથી ફરીથી ગુજરાતમાં ડ્રગ્સ ઘુસાડવાનું કૌભાંડ પ્રાથમિક માહિતી પ્રમાણે લાગી રહ્યું છે. પોલીસ હાલ તમામ દિશામાં તપાસ કરી રહી છે. ડ્રગ્સના બનવોમાં પોલીસ નાની માછલીઓને પકડી મોટા મગરને છૂટા મૂકી દે છે તેનું જ પરિણામ છે કે ગુજરાતમાં એક બાદ એક ડ્રગ્સના મોટા જથ્થા ઝડપાઇ રહ્યા છે.
નોંધનીય છે કે થોડા ઘણા મહિનાથી ગુજરાત જાણે ડ્રગ્સ માટે ગેટ વે બની રહ્યું હોય તેવી પરિસ્થિતિ સર્જાઇ છે. રાજ્યમાં એક બાદ એક ડ્રગ્સનાં જથ્થા ઝડયાવાના મામલા વધતાં જઈ રહ્યા છે. ખાસ કરીને રાજસ્થાન બોર્ડર અને ગુજરાતનાં દરિયા કિનારાનો પણ આ ડ્રગ્સની હેરફેરનાં કાળા કામમાં ઉપયોગ કરવામાં આવે છે. ત્યારે દ્વારકામાંથી આજે ફરી મોટા પ્રમાણમાં ડ્રગ્સનો જથ્થો પકડાતાં ખળભળાટ મચ્યો છે. નોંધનીય છે કે થોડા સમયમાં જ દ્વારકા રેન્જનાં SP તમામ વિગતો સાથે પત્રકાર પરિષદ કરે તેવી શક્યતા છે.
હાલમાં જ ગુજરાતનાં મુંદ્રા પોર્ટ પરથી પણ 10 હજાર કરોડ રૂપિયાનું ડ્રગ્સ પકડાયું હતું જેની ચર્ચા આખા દેશમાં થઈ હતી અને ગુજરાતમાં વધી રહેલા ડ્રગ્સની હેરફેર માટે કેન્દ્ર સરકાર પણ નજર રાખી રહી હોવાનું સામે આવ્યું છે.
આ સિવાય થોડા દિવસ પહેલા જ ગુજરાત રાજ્યના ગૃહરાજ્યમંત્રી હર્ષ સંઘવીએ મોટું નિવેદન આપ્યું હતું કે ગુજરાતમાં હવે ડ્રગ્સ અને દારૂબંધીમાં કોઈ કચાશ નહીં ચાલે અને કડકાઇથી કામ કરવામાં આવશે. બેસતા વર્ષે પણ જ્યારે ગુજરાત રાજ્યના પોલીસ વડા આશિષ ભાટિયાએ પત્રકાર પરિષદ કરી ત્યારે રાજ્યમાં આવા કેસ સામે કડકમાં કડક કાર્યવાહી અને એક્શન લેવામાં આવશે તેવી ચેતવણી આપી હતી.
55 દિવસમાં જ 5756 કિલો ડ્રગ્સ ઝડપી પાડ્યું
દ્વારકામાં 350 કરોડનું ડ્રગ્સ પકડાવવા મુદ્દે ગૃહરાજ્યમંત્રી હર્ષ સંઘવીનું નિવેદન આપતા કહ્યું છે કે ડ્રગ્સ બાબતે ગુજરાત પોલીસ દ્વારા ખૂબ જ સારી કામગીરી કરવામાં આવી છે, DGP અને તેમની ટીમનો આભાર માંનું છું. હું ગૃહરાજ્યમંત્રી બન્યો ત્યારથી 55 દિવસમાં જ 5756 કિલો ડ્રગ્સ ઝડપી પાડ્યું જેની કિમત હજારો કરોડમાં આંકી શકાય છે. વધુ તેમણે કહ્યું હતું કે છેલ્લા 48 કલાકમાં જ અમદાવાદ, સુરત અને છોટા ઉદેપુરમાં ડ્રગ્સ અને ગાંજો પકડી પાડ્યો છે. મેં વિધાનસભામાં ક્લિયર કહ્યું હતું કે ડ્રગ્સ વેચાવવા જાય તેની પહેલા જ પોલીસ પકડી લે તો તે પોલીસની સારી કામગીરી જ ગણાવામાં આવે, આજે CM પટેલે પણ પોલીસને અભિનંદન પાઠવ્યા છે.
ગુજરાતમાં ડ્રગ્સની ખેપ
સુરત અને દ્વારકામાં ઝડપાયું ડ્રગ્સ
સુરતમાં MD ડ્રગ્સનો 58.530 ગ્રામ જથ્થો ઝડપાયો
મુંદ્રા પોર્ટ ઉપરથી ઝડપાયો ડ્રગ્સનો જથ્થો
21 હજાર કરોડનો 2988 કિલો હેરાઇન ઝડપાયું
24 ઓક્ટોબરે અમદાવાદમાં 25 લાખનું ડ્રગ્સ ઝડપાયુ
23 ઓક્ટોબરે વડોદરામાંથી ગાંજો અને MD ડ્રગ્સ ઝડપાયું
22 ઓક્ટોબરે રાજકોટમાં ક્રિકેટર ડ્રગ્સ સાથે ઝડપાયો
12 ઓક્ટોબરે ડિસામાંથી 15 લાખનું ડ્રગ્સ ઝડપાયું
26 સપ્ટેમ્બરે સુરતથી 1 કિલો હાઇબ્રિડ ગાંજો ઝડપાયો
25 સપ્ટેમ્બરે સુરતથી 19.62 લાખનું MD ડ્રગ્સ જપ્ત
20 સપ્ટેમ્બરે પોરબંદર ડ્રગ્સ સાથે 7 ઇરાની નાગરિકો ઝડપાયા
4 ઓગસ્ટે વલસાડથી MD ડ્રગ્સ બનાવતી કંપની ઝડપાઇ
આણંદમાં ગાંજાના 900 કિલો છોડ પોલીસે ઝડપી પાડ્યા
ગુજરાતમાં જૂનથી ઓક્ટોબર સુધી 21 ડ્રગ્સના કેસ થયા
પોલીસ અને NCBએ 6.6 કરોડના માદક દ્રવ્યો જપ્ત કર્યા
રાજ્યમાં રેલવે, માર્ગ અને હવાઇ માર્ગે હેરાફેરીમાં 52 લોકોની ધરપકડ
ગુજરાતમાં 2020માં ડ્રગ્સના 308 કેસ નોંધાયા
જેમાં 117 વ્યક્તિગત વપરાશના કેસ
2019માં NDPSના 289 કેસ નોંધાયા
112 અંગત વપરાશ માટેના હતા
2018માં 150 કેસ નોઁધાયા
60 કેસો અંગત ઉપયોગ માટે ડ્રગ્સ વાપરતા હોવાનું ખુલ્યુ