દરોડા / BIG NEWS: ગુજરાત ATSની UPમાં મોટી કાર્યવાહી, મુઝફ્ફરનગરમાંથી 210 કિલો હેરોઇન સાથે 2 પેડલરને ઝડપ્યા

• ગુજરાત ATSએ ઉત્તરપ્રદેશમાં મોટી કાર્યવાહી
• મુઝફ્ફરનગરમાંથી કરોડોની કિંમતનું 210 કિલો હેરોઇન ઝડપી પાડ્યું
• ATS દ્વારા 2 ડ્રગ્સ પેડલર્સની ધરપકડ કરાઇ

ગુજરાત ATSએ ઉત્તરપ્રદેશમાં મોટી કાર્યવાહી કરી છે. જેમાં ઉત્તરપ્રદેશના મુઝફ્ફરનગરમાંથી 210 કિલો હેરોઈનનો જથ્થો ઝડપી પાડવામાં આવ્યો છે. ATSની આ કાર્યવાહીમાં 2 આરોપી પણ ઝડપાયા છે.

મળતી માહિતી પ્રમાણે આરોપીઓ પાસેથી 210 કિલો હેરોઈન મળી આવ્યુ છે. મુઝફ્ફરનગરના કિદવઈનગરમાં રેઈડ પાડવામાં આવી હતી. ગુજરાત ATSએ રેડ પાડી હૈદર નામના આરોપી સાથે તેના અન્ય એક સાથી ઈમરાનની પણ અટકાયત કરી લીધી છે. આપને જણાવી દઈએ કે, અગાઉ ગુજરાતના દરિયા કિનારેથી ઝડપાયેલા ડ્રગ્સનુ ઉત્તરપ્રદેશ કનેક્શન ખુલ્યુ હતુ.

અહમદની પૂછપરછ બાદ ઉત્તરપ્રદેશ દરોડા પાડવામાં આવ્યા
ઉલ્લેખનીય છે કે, 3 દિવસ પહેલા નાર્કોટિક્સ ડિપાર્ટમેન્ટે દિલ્હીના શાહીન બાગમાં રેઈડ પાડી 97 કિલો ડ્રગ્સ ઝડપ્યુ હતુ. આ કેસની તપાસમાં આરોપી પાસેથી મુઝફ્ફરનગરના હૈદર નામના શખ્સનુ નામ પણ ખુલ્યુ હતુ. જેથી ATSએ મોડી રાત્રે રેઈડ પાડી હૈદરના મકાનમાંથી હેરોઈન ઝપ્ત કરી લીધુ છે. જણાવાયું કે આ ડ્રગ્સ અફઘાનિસ્તાનથી ચોરી કરીને લવાયું હતું. આરોપીઓ સાથે એનસીબી અને ગુજરાત એટીએસની ટીમે પૂછપરછ બાદ કૈરાનાના અહમદ અને બે અફઘાની નાગરિકોની ધરપકડ કરી હતી. અહમદ સાથે પૂછપરછ કરવા પર મુઝફ્ફરના  કિદવઈનગર નિવાસી હૈદરનું નામ સામે આવ્યું હતું. ત્યારબાદ શનિવાર મોડી રાત્રે ગુજરાત એટીએસએ હૈદરના મકાન પર દરોડા પાડીને 210 કિલો હેરોઈન ઝડપી પાડ્યું છે. ટીમ અહીંથી હૈદરના એક સાથે ઇમરાનને પણ સાથે લઇ ગઈ છે.