ગુજરાત ATSએ સાંતલપુર-વરાહી હાઈવે પાસેથી મેફેડ્રોન ડ્રગ્સ ઝડપી પાડ્યું છે. કુલ 500 ગ્રામ ડ્રગ્સ ઝડપાયું છે. ATSએ આ મામલે 2 આરોપીને ઝડપી પાડ્યાં છે
સાંતલપુર-વારાહી હાઈવે પરથી ઝડપાયું MD ડ્રગ્સ
ગુજરાત ATS દ્વારા 500 ગ્રામ જેટલો જથ્થો ઝડપાયો
પાટણ SOG, સાંતલપુર પોલીસને સાથે રાખીને ATSનું ઓપરેશન
ગુજરાત ATSએ સાંતલપુર-વરાહી હાઈવે પરથી બાતમીના આધારે મેફેડ્રોન ડ્રગ્સનો 500 ગ્રામ જથ્થો ઝડપી પાડ્યો છે.મહત્વનું છે કે ATSએ આ આપરેશન પાટણ SOG અને સાંતલપુર પોલીસની મદદથી પાર પાડ્યું હતું.
પાટણ SOG, સાંતલપુર પોલીસને સાથે રાખીને ATSનું ઓપરેશન
ઉલ્લેખનીય છે કે, આરોપીઓ રાજસ્થાનથી સામખયારી જઈ રહ્યાં હતાં. તે દરમિયાન ગુજરાત ATSને બાતમી મળી હતી કે, ગુજરાતના સાંતલપુર-વરાહી હાઈવે પાસેથી એક કારમાં મોટી સંખ્યામાં ડ્રગ્સની હેરાફેરી થઈ રહી છે. જેને લઈને ગુજરાત ATSએ પાટણ SOG અને સાંતલપુર પોલીસની મદદથી સાંતલપુર-વરાહી હાઈવે પાસે એક વોચ ગોઠવી હતી. આ દરમિયાન બાતમી આધારિત એક કાર રાજસ્થાન તરફથી આવતી હતી.
આરોપીઓ રાજસ્થાનથી સામખયારી જતા હતા
જેથી પોલીસે તે કારને શંકાના આધારે રોકી તેની તલાસી લીધી હતી. તલાસી દરમિયાન પોલીસને કારમાં મેફેડ્રોન ડ્રગ્સનો જથ્થો મળી આવ્યો હતો. જેનું કુલ વજન 500 ગ્રામની આસ-પાસનું હતું.કારમાંથી ડ્રગ્સનો જથ્થો મળી આવતાં પોલીસે કારમાં સવાર બંને આરોપીને ઝડપી પાડી કાયદેસરની કાર્યવાહી હાથ ધરી હતી. ઉલ્લેખનીય છે કે, રાજ્યમાં હવે શહેરી વિસ્તારથી લઈને ગ્રામીણ વિસ્તાર સુધી ડ્રગ્સની હેરાફેરી વધી છે.ત્યારે પોલીસ હવે આ દૂષણ અટકાવવા માટે વધુ સતર્ક બની હોય તેમ લાગી રહ્યું છે.