ડ્રગ્સ કે હેરોઇન ઝડપી પાડવા મામલે ગુજરાત ATS દ્વારા અવારનવાર કડક કાર્યવાહી કરવામાં આવતી હોય છે. ત્યારે વધુ એક વખત ATSને મોટી સફળતા મળી છે.
ગુજરાત ATSને હેરોઇન મામલે મળી વધુ એક સફળતા
4 કિલો હેરોઈન સાથે અફઘાની નાગરિકની કરી ધરપકડ
વાહીદુલ્લા નામના વ્યકિતની દિલ્હીથી કરી ધરપકડ
ગુજરાત ATSને વધુ એક સફળતા હાથ લાગી છે. ગુજરાત ATSએ ડ્રગ્સ ઝડપવા મામલે નવી દિલ્હીમાં સૌથી મોટી કાર્યવાહી હાથ ધરી છે. મહત્વનું છે કે, ગુજરાત ATSએ સુરત ક્રાઇમ બ્રાન્ચ દ્વારા આપવામાં આવેલી બાતમીના આધારે વાહીદુલ્લા રહિમુલ્લા નામના અફઘાની ઈસમની 04 કિલો હેરોઇન સાથે દિલ્હીના વસંતકુંજ વિસ્તારમાંથી ધરપકડ કરી લીધી છે. જેની અંદાજીત કિંમત રુ. 20 કરોડ આંકવામાં આવી રહી છે. ત્યારે કહી શકાય કે ગુજરાત ATS હવે રાજ્ય બહારથી પણ ડ્રગ્સના કારોબારીઓને ઝડપી રહી છે.
ગુજરાતનું અમદાવાદ ડ્રગ્સના નેટવર્કનું હબ બન્યું
બીજી બાજુ ડ્રગ્સ વિશે જો ગુજરાતની વાત કરીએ તો ગુજરાત ડ્રગ્સનું હબ બન્યું છે. અત્યાર સુધીમાં ચાલુ વર્ષમાં 100થી વધુ ડ્રગ્સ પેડલરો તો ફક્ત અમદાવાદમાંથી ઝડપાયા છે. ગુજરાતનું અમદાવાદ શહેર ડ્રગ્સના નેટવર્કનું હબ બની ગયું છે. ડ્રગ્સ માફિયાઓ પર અલગ અલગ એજન્સીઓ તવાઈ બોલાવીને ડ્રગ્સ પેડલરો અને ડ્રગ્સ ડીલર પકડી રેકોર્ડ બ્રેક ગુના નોંધ્યા છે..જોકે વર્ષ 2022માં ચાલુ વર્ષે કરેલા એન.ડી.પી.એસના કેસના ચોંકાવનારા આંકડા સામે આવ્યા છે.જેમાંથી MD ડ્રગ્સનો જથ્થો સૌથી વધુ ઝડપી લેવામાં આવ્યો છે. આ સાથે જ યુવાવર્ગમાં ચરસ, ગાંજો, કફ શિરપ અને એમ.ડી ડ્રગ્સ લેવાનું પ્રમાણ વધતા હવે આ બધા જ ડ્રગ્સની હેરાફેરી વધી રહી છે. અમદાવાદ ક્રાઈમ બ્રાંચે ચાલુ વર્ષે 24 કેસ નોંધી 74 જેટલા આરોપી ધરપકડ કરી છે જેમાં ડ્રગ્સ પેડલરો અને મદદગારી કરનારની ધરપકડ કરી છે. ત્યારે ક્રાઇમ એસ.ઓ.જી ટીમે પણ 15 કેસ કરી 35 જેટલા પેડલરો અને ડ્રગ્સ ડીલરની ધરપકડ કરીને જેલ હવાલે કર્યા છે. થોડા દિવસ પહેલા જ ક્રાઇમ એસ.ઓ.જી ટીમ ડ્રગ્સ ડીલર અમીનાબાનું પકડી ડ્રગ્સ હેરાફેરીના મોટા નેટવર્ક પર્દાફાશ કર્યો છે.
અમદાવાદમાં ડ્રગ્સ કેસના ચાલુ વર્ષના આંકડા
ક્રાઈમ બ્રાંચ ટીમે 24 કેસ 74 આરોપી ધરપકડ કરી,1.5 કિલો એમ.ડી ડ્રગ્સ કુલ 1.5 કરોડ કબ્જે કર્યું
ક્રાઇમ એસ.ઓ.જી ટીમે 15 કેસ કરી 35 આરોપી ધરપકડ કરી,671 ગ્રામ એમ.ડી ડ્રગ્સ કુલ 67 લાખ કબ્જે કર્યું
ગુજરાત ડ્રગ્સ માફિયા માટે હોટ ફેવરિટ બન્યું છે કારણકે ગુજરાતના 1600 કિલો મીટરનો લાંબો દરિયા કિનારો ડ્રગ્સની હેરાફેરી માટેનું એપી સેન્ટર બન્યું હતું. ગુજરાતમાં પકડાયેલ ડ્રગ્સમાં મોટા પ્રમાણમાં દરિયાઈ માર્ગનો હેરાફેરી માટે ઉપયોગ થયો હોવાનું ખુલ્યું છે..ત્યારે અત્યાર સુધીમાં અલગ અલગ પ્રકારના ડ્રગ્સ સાથે 467 કેસ સામે 734 આરોપી ઝડપાયા છે. અને તમેની પાસેથી 27 હજાર 947 કિલો ડ્રગ્સ જપ્ત કરવામાં આવ્યું છે જેની કિંમત 52 અબજ 55 કરોડ 31 લાખ થાય છે..આ ચોંકાવનારો આંકડો સાબિત કરે છે કે આ ડ્રગ્સ માફિયા માટે ગુજરાત ડ્રગ્સનું હબ બન્યું છે જેમાં સૌથી વધુ અમદાવાદ માં ડ્રગ્સ મળી આવના કેસ સામે આવ્યા છે. મહત્વની બાબત છે કે ડ્રગ્સના નેટવર્ક માં અમદાવાદ માં ડ્રગ્સ ઘુસાડવા માટે સિલ્ક રૂટ મહારાષ્ટ્ર અને રાજસ્થાન છે..જે બન્ને રાજ્યોના ડ્રગ્સ માફિયાઓ ડ્રગ્સ અમદાવાદ પહોંચાડે છે જેમાં કેરિયર બોય અને ડ્રગ્સ પેડલરનો સૌથી વધુ ઉપયોગ થાય છે. એટલું જ નહીં આ ડ્રગ્સ નેટવર્કમાં દરિયાઇ મારફતે માછીમારો પણ સંડોવાયેલા હોય છે. જેઓને ડ્રગ્સની હેરાફેરી માટે મોટું કમિશન મળતું હોય છે.
ગુજરાતમાં ડ્રગ્સ માફિયાઓ સામે કાર્યવાહીના ચોંકાવનારા આંકડા