ગુજરાત એટીએસ અને કોસ્ટગાર્ડને મોટી સફળતા મળી છે. એટીએસ અને કોસ્ટગાર્ડના સહિયારા ઓપરેશનમા કરોડોની કિંમતનું ડ્રગ્સ ઝડપાતા ચકચાર મચી જવા પામી છે. સુરક્ષા એજન્સીઓએ પોરબંદર દરિયામાંથી 425 કરોડ જેટલી જંગી કિંમતના 61 કિલો નારકોટિક્સ ડ્રગ્સના જથ્થા સાથે પાંચ ઇરાણીયન આરોપીઓને દબોચી લીધા છે.
In a joint operation with ATS Gujarat, India Coast Guard apprehended Iranian Boat with 5 crew & 61 kgs of narcotics (worth Rs 425 cr) in Indian waters at Arabian Sea off Gujarat. Boat being brought to Okha for further investigation: PRO Defence Gujarat pic.twitter.com/DTTmoYO8Ws
ATS દ્વારા ચોક્કસ ગુપ્ત માહિતીના આધારે, ICG એ વ્યૂહાત્મક રીતે તેના બે ફાસ્ટ પેટ્રોલ વર્ગના જહાજો, ICGS મીરા બેહન અને ICGS અભિકને અરબી સમુદ્રમાં પેટ્રોલિંગ માટે તૈનાત કર્યા હતા. આ દરમિયાન ભારતીય જળસીમામાં એક બોટ શંકાસ્પદ રીતે ફરતી જોવા મળી હતી. ઓખા કિનારે 340 કિમી (190 માઇલ) દૂર જહાજો દ્વારા પડકારવામાં આવતા શનકાસ્પદ હિલચાલ શરૂ થઇ હતી. જેને લઈને બોટનો પીછો કરવામાં આવ્યો હતો અને ICG જહાજો દ્વારા તેને રોકી તપાસ હાથ ધરતા આ બોટ ઈરાની બોટ હોવાનું જાણવા મળ્યું હતુ.
425 કરોડની કિંમતનો 61 કિલો માદક પદાર્થ મળી આવ્યો
જેમાં ઈરાની નાગરિકતાના પાંચ ક્રૂ હતા. કોસ્ટ ગાર્ડ દ્વારા બોર્ડિંગ ટીમ દ્વારા તપાસ હાથ ધરતા આશરે. બોટમાંથી 425 કરોડની કિંમતનો 61 કિલો માદક પદાર્થ મળી આવ્યો હતો. બોટ અને ક્રૂની ધરપકડ કરવામાં આવી છે અને વધુ તપાસ માટે તેને ઓખા લાવવામાં આવી રહી છે. છેલ્લા અઢાર મહિનામાં, ICG એ ATS સાથેના સંકલનમાં આઠ વિદેશી જહાજોને પકડી લીધા છે અને કિંમતના 407 કિલોગ્રામ માદક દ્રવ્યોનો જથ્થો જપ્ત કરાયો હોવાનું જાણવા મળી રહ્યું છે.