અમદાવાદમાં ગુજરાત ATSએ લૂંટ અને ધાડના કુખ્યાત આરોપી હરેશ ગોસ્વામીની ધરપકડ કરી છે. હરેશ ગોસ્વામી લૂંટ, ધાડ અને ફાયરિંગ જેવા ગુજરાત અને મહારાષ્ટ્રના અનેક ગુનામાં સંડોવાયેલો છે. હરેશ ગોસ્વામીનું મુંબઈ અંડરવર્લ્ડ ડોન છોટા રાજન સાથે કનેક્શન પણ સામે આવ્યું છે.
અમદાવાદમાં કુખ્યાત આરોપી હરેશ ગોસ્વામીની ધરપકડ
હરેશનું અન્ડર વર્લ્ડ ડોન છોટા રાજન સાથે કનેક્શન આવ્યું સામે
આરોપી ગુજરાત અને મહારાષ્ટ્રના અનેક ગુનામાં સંડોવાયેલો
ગુજરાત ATSની ટીમે અંડરવર્લ્ડ ડોન સાથે સંકળાયેલા આરોપી હરેશ ગોસ્વામીની અમદાવાદના વસ્ત્રાલમાંથી ધરપકડ કરી છે. ATS PI જે.એન.ગોસ્વામીને બાતમી મળી હતી કે, હરેશ ગોસ્વામી વસ્ત્રાલ બાજુ આવવાનો છે, જેના આધારે વોચ ગોઠવીને તેને ઝડપી લીધો હતો.
હરેશ ગોસ્વામીએ પૂછપરછમાં કેટલાક ખુલાસા કર્યા કે તેણે 2017માં છોટા રાજન ગેંગના માણસો સાથે મળીને ભિલાડ ચેકપોસ્ટ નજીક 1 કરોડ 17 લાખથી વધુની લૂંટ ચલાવી હતી. આ સિવાય 2018માં ભિલાડ અને સેલવાસ વિસ્તારમાં પણ લાખો રૂપિયાની લૂંટના 3 ગુનાને અંજામ આપ્યો હતો. મહત્વનું છે કે, વર્ષે 2011માં હરેશ ગોસ્વામીએ સુરતના 80 લાખની હીરાની લૂંટ ચલાવી હતી. આ લૂંટના ગુનામાં પણ તે વોન્ટેડ હતો.