ગાંધીનગર Gossip / વિધાનસભામાં ટોઈલેટમાં ફ્લશ કરવા બાબતે 4 મહિલા ધારાસભ્યો બાખડ્યા, આખરે થયું સમાધાન

• આ ચર્ચા આખા બુધવારના સત્રમાં ગાજી હતી
• બથ્થમ બથ્થા આવતા બીજા ધારાસભ્યોએ અટકાવ્યા
• ક્યાં થઈ ફાઈટીંગ?

વિધાનસભામાં બીજામાળે મહિલાઓ માટે એક અલગ રૂમ બનાવવામાં આવ્યો છે ત્યારે ત્યાં બુધવારે આ કક્ષમાં ટોયલેટમાં ફ્લશ કોક મુદ્દે ચાર મહિલા ધારાસભ્યો વચ્ચે શરૂ થયેલી જીભાજોડીનો અવાજ કાચના દરવાજાની બહાર આવતા નજીકમાં જ તૈનાત CM સિક્યોરિટીનો સ્ટાફ પણ ચોંકી ઉઠયો હતો.

કઈ વાતે થઈ લડાઈ?

મહિલા કક્ષમાં બુધવારની બપોરે સિનિયર મહિલા ધારાસભ્ય સોફામાં બેઠા હતા ત્યારે નવા ચૂંટાયેલા બીજા મહિલા ધારાસભ્યે બાથરૂમનો દરવાજો ખોલતા જ ‘અહીં પાણી કેમ રેડયુ નથી’ એમ કહીને અહીં લખી ન શકાય તેવા શબ્દોમાં તેમને ખખડાવવાનું શરૂ કર્યું હતુ. બહેનપણી સાથે આવેલા આ જૂનિયર ધારાસભ્યના બેહુદા શબ્દોના પ્રયોગ સામે સનિયર મહિલા ધારાસભ્યે પણ તેમને સામે સંભળાવ્યુ હતુ.

બથ્થમ બથ્થા આવતા બીજા ધારાસભ્યોએ અટકાવ્યા

જો કે, જૂનિયર મહિલા ધારાસભ્યે હાથ ઊંચા કરીને આગળ વધતા પહેલાથી આ મહિલા કક્ષમાં જ હાજર બે મહિલા ધારાસભ્યોએ વચ્ચે પડીને તેમને રોક્યા હતા. ચારેય મહિલા ધારાસભ્યો અને જૂનિયર સાથે આવેલી બહેનપણી વચ્ચે અંદર કક્ષમાં એકબીજા ઉપર હાથ ઉગામવાનુ જ બાકી રાખ્યુ એમ પાંચ- સાત મિનિટ ઉગ્ર જીભાજોડી ચાલી હતી.

આ ચર્ચા આખા બુધવારના સત્રમાં ગાજી હતી

છેવટે બે મહિલા ધારાસભ્યોએ સિનિયર ધારાસભ્યને થોડાક દૂર લઈ જતા ‘અહીં પાણી કેમ રેડયુ નથી’ કહેનાર જુનિયરે બહેનપણી સાથે કક્ષની બહાર ચાલતી પકડી હતી. બીજા માળે કાચના દરવાજાની અંદર પાંચ- સાત મીનિટ થયેલી જીભાજોડીની ચર્ચા બુધવારે પાંચ વાગ્યા પછી ચર્ચાને એરણે ચઢી હતી.