રીબડા જુથ દ્રારા સ્પષ્ટ કહેવામાં આવ્યું છે કે તેઓ ભાજપ સાથે છે અને ભાજપ સાથે જ રહેશે અને ભાજપ જયરાજસિંહ સિવાય કોઇપણને ટિકીટ મળે તેવી માંગ કરી
ગોંડલમાં ભાજપમાં ટિકિટની ખેંચતાણમાં વિવાદ વધ્યો
વર્તમાન ધારાસભ્ય સામે અનિરુદ્ધસિંહ જાડેજાનું જૂથ સામે આવ્યું
રિબડાના અનિરુદ્ધસિંહ જાડેજા કે તેના જૂથને ટિકિટ આપવા માંગ
રાજકોટની ગોંડલ વિધાનસભા બેઠક પર બે બાહુબલીઓની લડાઇ છે.પૂર્વ ધારાસભ્ય જયરાજસિંહ જાડેજાએ રીબડા ગ્રુપ પર કરેલા આક્ષેપોને લઇને રીબડા જુથ સામે આવ્યું છે.ગોંડલના સહકારી આગેવાન અને ભાજપના નેતા જયંતિ ઢોલે પડકાર ફેંકતા કહ્યું હતું કે ગોંડલ વિધાનસભા બેઠક પર જયરાજસિંહ અને તેના પરિવારના કોઇપણ સભ્યને ટિકીટ મળવી ન જોઇએ.અમે પણ ૪૦ વર્ષથી ભાજપ સાથે જોડાયેલા છીએ.પાર્ટી જયરાજસિંહ પરિવાર સિવાય કોઇપણને ટિકીટ આપે તેમની જવાબદારી અમારી છે. જો હું જીતાડી ન શકું તો ગોંડલના માંડવી ચોકમાં જાહેરમાં આપઘાત કરી લઇશ.જયંતિ ઢોલે વધુમાં કહ્યું હતું કે ગોંડલ વિધાનસભા બેઠક પર રીબડા પંથકના મતને કારણે ભાજપને જીત મળે છે જેથી પાર્ટી આ બાબતે વિચાર કરે તે જરૂરી છે.
ઔધોગિક એસોસિએશન પણ મહિપતસિંહ જાડેજાના પક્ષમાં
રીબડા ખાતે યોજાયેલી પત્રકાર પરિષદમાં રીબડા ઔધોગિક એસોસિએશનના હોદ્દેદારો હાજર રહ્યા હતા.જેઓએ કહ્યું હતું કે રીબડામાં અનેક ઔધોગિક વસાહતો આવેલી છે,જેમાં મહિપતસિંહ જાડેજા પરિવાર દ્રારા કોઇપણ પ્રકારની કનડગત કરવામાં આવતી નથી પરંતુ રક્ષણ આપવામાં આવે છે.રીબડાના ખેડૂતો દ્રારા પણ કહેવામાં આવ્યું કે મહિપતસિંહ જાડેજા પરિવારને કારણે જ આ જમીનના ભાવ વધી રહ્યા છે.
રીબડાના ઇન્ડ્રસ્ટ્રીઝ એસો.ના પ્રમુખે શું કહ્યું?
પૂર્વ ધારાસભ્યએ કરેલા ખંડણીના આક્ષેપો ખોટા છે
કારખાનેદારો પાસેથી ખંડણી લેવાની વાત ખોટી છે
રીબડા ગામના મહિપતસિંહનો અમને સહકાર છે
રીબડાના ખેડૂતો પણ ખુશ છે
મહિપતસિંહને કારણે ખેડૂતોને જમીનના સારા ભાવ મળ્યા છે
ધનસુખ નરોડીયા કડવા પાટીદાર સમાજના અગ્રણી છે
રીબડા ઇન્ડ્રસ્ટ્રીઝ એસોશિએશનના પ્રમુખ છે ધનસુખ નરોડીયા
બંને વચ્ચે વિવાદ યથાવત રહ્યો તો ગોંડલ બેઠકમાં નવો ચહેરો લાવી શકે ભાજપ: સૂત્ર
એક તરફ જયરાજસિંહ જાડેજા અને રીબડાના અનિરૂધ્ધસિંહ ગોંડલ બેઠક પરથી ટિકિટ મેળવવા મરણિયા પ્રયાસ કરી રહ્યા છે. અનિરૂધ્ધસિંહ જાડેજા સમર્થક રીબડાનું એક જુથ પણ એક્ટિવ થયું છે. બંને વચ્ચે ચાલી રહેલી ખેંચતાણમાં ક્ષત્રિય સમાજના અગ્રણીઓએ કરેલા સમાધાનના પ્રયાસ નિષ્ફળ નીવડ્યા છે. ટિકિટ માટે ભાજપના બે જૂથ આમને-સામને આવી ગયા છે. સૂત્રો અનુસાર મળતી માહિતી મુજબ રીબડા જૂથે ટિકિટ ડિમાન્ડની ફોર્મ્યુલા રજૂ કરી છે. રીબડા જૂથનું કહેવું છે કે અમે ભાજપના વિરોધી નથી પણ અમે પરિવારવાદના વિરોધી છીએ. આ સાથે જ ગોંડલ બેઠક પર થયેલી કામગીરીની માહિતી આપતા રિબડા જૂથ દ્વારા સહદેવસિંહ જાડેજા, રાજદીપસિંહ જાડેજા (અનિરૂધ્ધસિંહ જાડેજાના પુત્ર)ને ટિકિટ મળે તેવા પ્રયાસ થઈ રહ્યા છે. લેઉવા પાટીદારમાંથી ટિકિટ આપવાની પણ સમાધાન ફોર્મ્યુલા પર દાવ લગાવવામાં આવી શકે છે.
રાજકારણમાં કોઈ કોઈના કાયમી મિત્રો નથી હોતાઃ જયરાજસિંહ
મહત્વનું છે કે આ પહેલા પૂર્વ ધારાસભ્ય જયરાજસિંહ જાડેજાએ ગોંડલ શહેર-તાલુકા કડવા પાટીદાર સમાજની બેઠકમાં ગોંડલના પૂર્વ ધારાસભ્ય મહપતસિંહ જાડેજાના પુત્ર અનિરૂધ્ધસિંહ. જાડેજા પર આકરા પ્રહાર કર્યા હતા. ગોંડલના વર્તમાન ધારાસભ્ય ગીતાબા જાડેજાના પતિ અને પૂર્વ ધારાસભ્ય જયરાસિંહ જાડેજાએ જણાવ્યું હતું કે, એક પણ શબ્દ ઘસાતો બોલવાનો મને અધિકાર નથી. પણ મિત્રો મારે દુઃખ સાથે એટલે કહેવું છે રાજકારણમાં કોઈ કોઈના કાયમી મિત્રો નથી હોતા અને કોઈ કોઈના કાયમી દુશ્મન નથી હોતા.
રીબડાના ખેડૂતે શું કહ્યું?
રીબડા જૂથ પરના આક્ષેપો ખોટા છે
અમને મહિપતસિંહે જમીન વેચતા અટકાવ્યા છે
જરૂર વગર જમીન ન વેચવાની સલાહ આપી હતી
અમારા ગામને સાથ-સહકાર આપ્યો
અમને હવે જમીનના ખુબ સારા ભાવ મળ્યા છે
કોઇ પણ દલાલી કે હક લીધા વગર સારો ભાવ મળ્યો
રીબડામાં ખેડૂતો પર કોઇ પણ જાતનું દબાણ નથી થતું
જયરાજસિંહના આક્ષેપો ખેડૂતોએ પાયા વિહોણા ગણાવ્યા
અમારી જમીનમાં મહિપતસિંહે દબાણ નથી કર્યુ
અમારા દસ્તાવેજથી લઇને અન્ય બાબતોમાં અમને સહકાર મળ્યો છે
રીબડામાં મહિપતસિંહના પરિવારને કારણે ખેડૂત સુખી છે
કડવા પાટીદાર સમાજની બેઠકમાં કર્યા પ્રહાર
તેમણે જણાવ્યું કે, 'અત્યારથી ગોંડલમાં બધી પ્લાનિંગની શરૂ થઈ ગઈ છે, જેમકે માર્કેટિંગ યાર્ડના ચેરમેન કોણ?, નગરપાલિકાના પ્રમુખ કોણ?, તાલુકા પંચાયતની કમાન કોને સોંપીશું, નાગરિક બેંક હવે કોને દઈશું. મને જે વાત મળે છે તે હું તમારી સમક્ષ મૂકુ છું કે અનિરૂધ્ધસિંહ. જાડેજા (રીબડા)ના સુપુત્ર રાજદીપભાઈ અત્યારથી ધારાસભ્ય બની ગયા છે. અનિરૂધ્ધસિંહ. એવું કહે છે કે યાર્ડનું રક્ષણ તો હું કરીશ. આમાં બે વસ્તુ ક્યાંય ભેગી નથી થતી. તમારે દૂધની ભલામણ કરવી હોય તો બિલાડીને દૂર રાખવી પડે. તમારો લોકર રૂમ હોય તો એને સ્ટોગ રાખવો પડે, લોકર રૂમના દરવાજા આગળ ગનમેન રાખવો પડે. ચોરને આ જવાબદારી ન સોંપાય. રીબડામાં જતા હશે એ બધાને ખબર છે કે રીબડાની અંદર જમીન કેવી રીતે વેચાય છે'
યુદ્ધ એ જ કલ્યાણ ગ્રુપના કાર્યક્રમમાં જયરાજસિંહની બાદબાકી કરાઈ
આપને જણાવી દઈએ કે, ગોંડલમાં થોડા દિવસ પૂર્વે યુદ્ધ એ જ કલાયણ ગ્રુપનો કાર્યક્રમ યોજાયો હતો, આ કાર્યક્રમમાં જયરાજસિંહની બાદબાકી કરાઈ હતી. આ કાર્યક્રમમાં નરેશ પટેલ, જયંતી ઢોલ, અલ્પેશ કથીરિયા, વરૂણ પટેલ સહિતના લોકો હાજર રહ્યા હતા. એક બાજુ ગોંડલ બેઠક પરથી જયરાજસિંહ પોતાના પરિવારમાંથી અથવા પોતાને ટિકિટ માટે પ્રબળ દાવેદાર માની રહ્યા છે. તો બીજી બાજુ યુદ્ધ એ જ કલ્યાણ ગ્રુપ અનિરૂદ્ધસિંહ જાડેજાની સાથે છે. અનિરૂદ્ધસિંહ પણ પોતાના પરિવાર અથવા ખૂદને ટિકિટ મળે તેવા પ્રયાસ કરી રહ્યા છે. વર્ષોથી અનિરૂદ્ધસિંહ અને જયરાજસિંહ જાડેજા જૂથ આમને સામને છે.
છેલ્લી બે ટર્મથી ભાજપ પાસે છે ગોંડલ બેઠક
અત્રે ઉલ્લેખનીય છે કે, છેલ્લી બે ટર્મથી ગોંડલ બેઠક ભાજપ પાસે છે. ગીતાબા જયરાજસિંહ જાડેજા ગોંડલના ધારાસભ્ય છે. ગોંડલ વિધાનસભા બેઠક પર કુલ 2,12,784 મતદારો છે. જેમાં 1,09,995 પુરુષ અને 1,02,789 મહિલા મતદારો છે. 2017ની ચૂંટણી સમયે જયરાજસિંહને હત્યાના કેસમાં રાજ્યની બહાર રહેવાની શરતે જામીન મળ્યા હતા. એ કારણે ગોંડલ બેઠક પર તેમના પત્નીને ટિકિટ મળી હતી. વિધાનસભાની ચૂંટણીમાં ગીતાબા જયરાજસિંહ જાડેજાનો વિજય થયો હતો.