દાવો / ભાજપના મંત્રીનું મોટું નિવેદન, '...તો ગુજરાતમાં વિધાનસભાની ચૂંટણી વહેલી થઇ શકે'

• રાજ્યકક્ષાના વનમંત્રી રમણ પાટકરનું મહત્વનું નિવેદન
• વર્તમાન માહોલને જોતા ગુજરાતમાં આવી શકે છે વહેલી ચૂંટણી: રમણ પાટકર
• પશ્ચિમ બંગાળમાં ભાજપની જીત થાય તો ગુજરાતમાં વહેલી ચૂંટણી થઈ શકે: પાટકર

ગુજરાતની વિધાનસભાની ચૂંટણીને લઈ રાજ્યકક્ષાના વનમંત્રી રમણ પાટકરે મહત્વનું નિવેદન આપ્યું હતું. ઉમરગામમાં અભિવાદન કાર્યક્રમમાં રમણ પાટકરે કહ્યું કે, અત્યારે જ્યારે ચારેય બાજુ ભાજપ-ભાજપ થયું છે. ત્યારે પાર્લામેન્ટરી બોર્ડ, પ્રદેશ અને દેશના નેતાઓ સમજે છે, હાલના વાતાવરણને ધ્યાને રાખીને ચૂંટણી કરી નાખવી તે સારી છે. જો હવે બંગાળમાં ભાજપ જીતશે તો થોડા જ સમયમાં ગુજરાત વિધાનસભાની ચૂંટણીની જાહેરાત થઈ શકે છે.

મહત્વનું છે કે, પશ્ચિમ બંગાળમાં 27 માર્ચથી વિધાનસભા માટે 8 તબક્કામાં ચૂંટણી યોજાઈ રહી છે. જ્યારે ચૂંટણીપંચે મતદાનની તારીખે 2જી મેં નક્કી કરી છે. વર્તમાન ગુજરાત વિધાનસભાનો કાર્યાકળ આગામી વર્ષના ડિસેમ્બર મહિના સુધીનો છે.