ઇફકોના ચેરમેન દિલીપ સાંઘણી પણ મતદાન કરવા માટે તેમના વતને પહોચ્યા હતા. ત્યારે તેઓએ હાર્દિક પટેલને લઈને તેને સલાહ આપી હતી.
ગુજરાતમાં આજે પ્રથમ તબક્કાનું મતદાન
ઇફકોના ચેરમેન દિલીપ સાંઘણીએ કર્યું મતદાન
મતદાન બાદ સાંઘણીએ હાર્દિક પટેલને સલાહ આપી
ગુજરાતમાં ચુંટણીનો જંગ જામ્યો છે ત્યારે આજે પહેલા તબક્કાનું મતદાન થઇ રહ્યું છે. લોકો સાથે પાર્ટીઓના દિગ્ગજો પણ મતદાન માટે પહોચ્યા છે. ત્યારે ઇફકોના ચેરમેન દિલીપ સાંઘણી પણ મતદાન કરવા માટે તેમના વતને પહોચ્યા હતા. અમરેલીમાં વતન માળીલા ગામે મતદાન કર્યું હતું. અહી 2017 ની વિધાનસભાની ચૂંટણીમા ભાજપે પાંચેય બેઠક ગુમાવી હતી ત્યારે આ વર્ષે જિલ્લાની પાંચેય બેઠક આ વખતે ભાજપ જીત મેળવે તેવો વિશ્વાસ વ્યક્ત કર્યો છે.
કોંગ્રેસમાં જુથવાદ
વધુમાં સંઘાણીએ આ સીટો વિશે જણાવતા કહ્યું હતું કે 2017 માં ભાજપમાં જૂથવાદ હોવાના કારણે તમામ 5 બેઠક હાર્યું હતું. ત્યારે તેને જણાવ્યું કે આ વખતે અમરેલી જિલ્લા કોંગ્રેસમાં ભરપૂર જૂથવાદ થઇ રહ્યો છે. ત્યારે આ ટર્મમાં તમામ 5 બેઠક પર ભાજપની જીતનો દાવો કર્યો છે.
હાર્દિક પટેલને આપી સલાહ-સૂચનો
દિલીપ સંઘાણીએ ભાજપમાં જોડાયેલા હાર્દિક પટેલને લઈને પણ નિવેદન આપ્યું હતું તેઓએ હાર્દિકને સલાહ આપતા કહ્યું કે ભાજપની વિચારધારાને વળગી રહેશે તો ફાયદો થશે, નહિ તો નુકશાન થશે. વધુમાં તેઓએ કહ્યું કે ભાજપની વિચારધારા સ્વીકારીને ભાજપે સભ્ય બનાવ્યો છે, નહિ કે આંદોલનની, ભાજપનું ભવિષ્ય સારું છે, હાર્દિકનું ભવિષ્ય તેના વ્યવહાર પર આધાર રાખે છે