ચૂંટણી / આ કારણે ગુજરાતમાં ઓક્ટોબર માસમાં યોજાશે 4 વિધાનસભાની પેટાચૂંટણી

ગુજરાતમાં ઓક્ટોબર માસમાં ચાર વિધાનસભાની પેટાચૂંટણી
ગુજરાતમાં ફરી એકવાર ઓક્ટોબરમાં ચાર વિધાનસભાની પેટાચૂંટણી યોજાશે. થરાદ, અમરાઈવાડી, ખેરાલુ અને લુણાવાડા વિધાનસભા બેઠકની પેટાચૂંટણી યોજાશે. ભાજપના 4 ધારાસભ્યો હવે સાંસદ બની જતા ધારાસભ્ય પદેથી રાજીનામું આપશે. 

ઉલ્લેખનીય છે કે, ધારાસભ્ય પરબત પટેલ, રતનસિંહ રાઠોડ, ભરતસિંહ ડાભી અને એચ. એસ પટેલ રાજીનામું આપશે. બે ધારાસભ્યના કેસ કોર્ટમાં પેડિંગ છે. જો કોર્ટ ચુકાદો આપે તો અન્ય બે ધારાસભ્યની પેટાચૂંટણી યોજાઇ શકે છે. ગુજરાતમાં 6 ધારાસભ્યોની ચૂંટણી યોજાઇ શકે છે. ભગવાન બારડ અને પબુભા માણેકનો કેસ કોર્ટમાં પેડિંગ છે.