શક્યતા / આગામી 8 બેઠકો પરની વિધાનસભાની પેટાચૂંટણીમાં કોંગ્રેસના આ નેતાઓને મળી શકે છે ટિકિટ

• વિધાનસભા પેટાચૂંટણીને લઇ મહત્વના સમાચાર
• વિધાનસભા પેટાચૂંટણીમાં તમામ 8 બેઠકોના કોંગ્રેસના સંભવિત નામો
• જાણો કોના કોના નામ ચર્ચામાં ?

વિધાનસભાની પેટાચુંટણી માટે કોંગ્રેસે નિરીક્ષકોની નિમણૂંક કરી દીધી છે. કોંગ્રેસના સિનિયર નેતાઓને આ જવાબદારી સોંપવામાં આવી છે. એક ઇન્ચાર્જ સાથે 3 કો-ઇન્ચાર્જની પણ નિમણૂંક કરવામાં આવી છે. જેમાં અબડાસા બેઠકની જવાબદારી સી. જે. ચાવડાને, લીંબડી બેઠકની જવાબદારી જગદીશ ઠાકોરને, મોરબી બેઠકની જવાબદારી અર્જુન મોઢવાડિયાને સોંપી, ધારી બેઠકની જવાબદારી પૂંજાભાઈ વંશને સોપાંઇ, ગઢડા બેઠકની જવાબદારી શૈલેષ પરમારને સોંપાઇ, કરજણ બેઠકની જવાબદારી સિધ્ધાર્થ પટેલને સોંપાઇ, ડાંગ બેઠકની જવાબદારી ગૌરવ પંડ્યાને સોપાંઇ અને કપરાડાની જવાબદારી તુષાર ચૌધરીને સોંપવામાં આવી છે. ત્યારે હવે પેટાચૂંટણીને લઇને તમામ 8 બેઠકોના કોંગ્રેસના સંભવિત નામો પણ સામે આવ્યા છે.

સંભવિત નામોઃ વિધાનસભા પેટાચૂંટણીમાં કોંગ્રેસના સંભવિત ઉમેદવાર કિશોરસિંહ જાડેજા, વિસનજી પાંચાણી, રમેશ ધોળુ, ઇકબાલ મંધરાના, ચંદ્રકાન્ત પટેલ, રિતેશ પટેલ, કિરીટસિંહ જાડેજા, સુરેશ કોટડીયા, વિપુલ સેલરીયા, વિરજી ઠુમ્મરના દિકરી જેની ઠુમ્મરનું નામ પણ ચર્ચામાં છે. તો સુરતથી એક ઉદ્યોગપતિનું નામ પણ ચર્ચામાં છે. કિશોર ચીખલીયા, મનોજ પનારા, જયંતિ જેરાજ પટેલ અને કે.ડી બાવરવાનું નામ ચર્ચામાં છે.

લીંબડીમાં ગોપાલ મકવાણા, કલ્પના મકવાણા, ભગિરથસિંહ ઝાલા, ચેતન ખાચર નામ ચર્ચામાં છે. તો ડાંગમાં સૂર્યકાન્ત ગાવીત, મુકેશ પટેલ, ચંદર ગામીત અને મોહન ગોયાનું નામ ચર્ચામાં છે. કપરાડામાં હરેશ પટેલ, વસંત પટેલ, સોમા બાત્રી અને ભગવાન બાત્રીનું નામ ચર્ચામાં છે. ત્યારે ગઢડામાં રીટાયર્ડ IAS સંજય અમરાણી, જગદીશ ચાવડા અને વશરામ સાગઠીયાનું નામ ચર્ચામાં છે.