વિધાનસભાની 8 બેઠકો માટે ચૂંટણીને લઇને ગુજરાતમાં રાજકીય પક્ષો દ્વારા પ્રચાર કાર્ય ચરમસીમાએ પહોંચ્યું છે ત્યારે આજે પ્રચાર માટેનો અંતિમ દિવસ છે. નોંધનીય છે કે, આજે સાંજ 5 વાગ્યા બાદ આચારસંહિતાના પગલે જોરશોરથી પ્રચાર થઈ શકશે નહી. ઉમેદવારો પાસે જોરશોરથી પ્રચાર કરવાનો એક જ દિવસ રહ્યો છે ત્યારે પ્રચારનો ધમધમાટ વધશે તેમ જણાય રહ્યુ છે.
રાજ્યમાં 8 બેઠક પર પેટાચૂંટણી
પેટાચૂંટણી માટે આજે પ્રચારનો અંતિમ દિવસ
સાંજે 5 વાગ્યાથી પ્રચાર પડઘમ શાંત થશે
ઉલ્લેખનીય છે કે, મતદાનના કેટલાક કલાક પહેલા આચારસંહિતાના ભાગ રૂપે પ્રચાર કાર્ય જોરશોરથી કરી શકાતું નથી તેથી રાજકીય પાર્ટી અને ઉમેદવારો આ સમય દરમિયાન જાહેરસભા, રેલી વગેરે કરી શકશે નહી. લાઉટ સ્પીકર પર પ્રચાર કરી શકશે નહી.
ડોર ટુ ડોર પ્રચાર બનશે વેગીલો
આજે સાંજે 5 વાગ્યા બાદ ડોર ટુ ડોર ઉમેદવારો-કાર્યકરો પ્રચાર કરશે તેમજ ખાટલા બેઠકો શરૂ થશે તેમ જણાય રહ્યુ છે. પેટા ચૂંટણી આડે હવે બે જ દિવસ રહ્યા છે તેથી ઉમેદવારોની ચિંતા વધી છે. પેટા ચૂંટણીના પગલે ગઢડા બેઠક પર રાજકીય માહોલ ગરમાયો છે અને ઉમેદવારો ઉત્સાહભેર પ્રચારમાં કરી રહ્યા છે.
રાજકીય પક્ષોએ કમર કસી
નોંધનીય છે કે, ભાજપ અને કોંગ્રેસ સહિતની ગુજરાતમાં રહેલી રાજકીય પાર્ટીઓ તથા અપક્ષ ઉમેદવારો પ્રચાર માટે ગામડાઓ ખુંદી રહ્યા છે અને મતદાતાઓને મનાવવા પ્રયાસ શરૂ થઈ ગયા છે. કોરોનાની મહામારી વચ્ચે પણ સભા, જમણવાર વગેરે કાર્યક્રમ રાખવામાં આવતા સામાજીક અંતરના ધજાગરા ઉડતા પણ ક્યાંકને ક્યાંક જોવા મળી રહ્યા છે.
રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે. ત્યારે ભાજપ અને કોંગ્રેસ દ્વારા જાહેર કરવામાં આવેલ ઉમેદવારોની યાદી નીચે મુજબ છે.
8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.