ગુજરાત વિધાનસભામાં ગુજરાતમાં બેરોજગારીના આંકડા રજૂ કરવામાં આવ્યા હતા જે આંકડા ખરેખર ચોંકાવનારા છે. ત્યારે પ્રશ્ન થાય કે સરકાર ભરતી કરે છે તે ખરેખર કરે છે ખરા?
વિધાનસભા ગૃહમાં સરકારે બેરોજગારના આંકડા કર્યા જાહેર
ભરતી કેલેન્ડર મુજબ ભરતીના દાવા પોકળ સાબિત થયા
રાજ્યમાં શિક્ષિત-અર્ધશિક્ષિત 4 લાખથી વધુ બેરોજગારો
ગુજરાત વિધાનસભાનું બજેટસત્ર ચાલી રહ્યુ છે ત્યારે બેરોજગારી અંગે ગુજરાત સરકારે ખુદ આંકડાઓ આપ્યા હતા જે ખરેખર શરમજનક હતા. ગુજરાતી યુવાનોને રોજગારીની તાતી જરૂરિયાત છે. પણ ગુજરાત સરકાર અવનવા ઉત્સવો અને ઉજવણીઓમાં કરોડો રોકવામાંથી નવરી પડે તો રોજગારી અંગે કંઈ કરેને એવી ચર્ચાએ જોર પકડ્યુ હતુ.
ભરતી કેલેન્ડર મુજબ ભરતીના દાવા સાવ પોકળ સાબિત થયા છે. રાજ્યમાં શિક્ષિત-અર્ધશિક્ષિત 4 લાખથી વધુ બેરોજગારો છે.
રાજ્યમાં 4 લાખ 12 હજાર 985 બેરોજગાર
રાજ્યમાં 4 લાખ 12 હજાર 985 બેરોજગાર નોંધાયા છે જ્યારે છેલ્લા 2 વર્ષમાં 1,777 બેરોજગારોને સરકારી નોકરી મળી છે. રાજ્યમાં 3 લાખ 92 હજાર શિક્ષિત બેરોજગાર છે. 2 વર્ષમાં 15 જિલ્લાના એક પણ યુવકને નોકરી મળી નથી.