ગુજરાત વિધાનસભાની આગામી 2022ની ચૂંટણીને લઈને હાલ રાજકીય માહોલ ગરમાયો છે. છે ત્યારે ભાજપ તેની શક્તિને વધુ મજબૂત કરવામાં જોતરાઈ ગયું છે.
પ્રદેશ ભાજપના 579 મંડળની એક સાથે યોજાશે બેઠક
20 જાન્યુઆરીના બેઠકનું આયોજન
શક્તિ કેન્દ્ર અને પેજ સમિતિને મજબૂત બનાવવાનો ઉદ્દેશ
ગુજરાતમાં સક્રિય દરેક રાજકીય પાર્ટીઓએ ગુજરાત વિધાનસભા 2022ની ચૂંટણીનો જંગ જીતવા કમરકસી છે. ત્યારે ગુજરાત ભાજપ એક બાદ એક ચૂંટણીના સોગઠા ગોઠવી રહ્યું છે.
ભાજપ સંગઠનના ઈતિહાસમાં પ્રથમ વખત બનવા જઈ રહેલી ઘટના
પ્રદેશ ભાજપના 579 મંડળની એક સાથે બેઠક યોજવાનું આયોજન 20 જાન્યુઆરીના રોજ કરવામાં આવ્યું છે. જેમાં શક્તિ કેન્દ્ર અને પેજ સમિતિને મજબૂત બનાવવાનો ઉદ્દેશ હેતુ આ મોટી મિટિંગનું આયોજન કરવામાં આવ્યું હોવાની વાત મળી રહી છે. ભાજપ સંગઠનની ચાલી રહેલી વર્ચ્યુઅલ બેઠકમાં આ નિર્ણય લેવામાં આવ્યો છે. ભાજપ સંગઠનના ઈતિહાસમાં પ્રથમ વખત આ ઘટના બનશે કે પ્રદેશ ભાજપના 579 મંડળની એકીસાથે બેઠક લેવામાં આવશે.20 જાન્યુઆરીના રોજ બપોરે 12.15 વાગ્યે મળનારી આ બેઠક પર હાલ તો સૌ કૉઈની મીટ મંડાયેલી છે.
પેજ પ્રમુખ અને શક્તિ કેન્દ્ર ગુજરાત ભાજપની તાકાત
જો પેજ પ્રમુખ થી શક્તિ કેન્દ્ર ની વયસ્થાની વાત કરવાં આવે તો 30 મતદારો પર 1 પેજ પ્રમુખ હોય છે.જ્યારે 35 થી 40 પેજ પ્રમુખ પર એક બુથ પ્રમુખ બનાવમાં આવે છે.તો 4 થી 5 બુથ પર એક શકિત કેન્દ્ર પ્રમુખ જ્યારે 15 થી 20 શક્તિ કેન્દ્ર પર એક મંડલ પ્રમુખ બનાવમાં આવે છે.તો એક વિધાનસભા 3 થી 5 મંડલ પ્રમુખ કામ કરતા હોય છે.આમ ભાજપ માટે ચૂંટણીમાં જીતની ચાવીરુપ બની રહેતી આ વ્યવસ્થાને વધુ સુચારું બનાવવા આ બેઠકનું આયોજન કરવામાં આવ્યું છે જેમાં શક્તિ કેન્દ્ર અને પેજ સમિતિને વધુ મજબૂત કેવી રીતે બનાવવું તેના પર કામ થશે.
- ભાજપ ૧૮૨ માંથી ૧૮૨ બેઠકો જીતવા માટે પેજ સમિતિ કામગીરી પૂરજોશમાં ચાલી રહી છે.
- ભાજપે ૧૮૨ બેઠકોમાં ૯૦ ટકાથી વધુ બુથ સમિતિ કામપૂર્ણ કરી દીધું.
- ભાજપે જ્યાં જ્યાં બેઠકો ગુમાવી ત્યાં કાર્યકરોના મેળવી રહી છે ફીડ બેક.
- ભાજપે જે બુથના ઓછુ મતદાન થયું તે બુથને પેજ સમિતિ દ્વારા મજ્બુત કરશે
'મિસ કોલ'થી યુવા જોડો અભિયાન
આ યોજના અંતર્ગત 'યુથ ચલા બુથ' હેઠળ બુથ દીઠ યુવાનોને જોડવા માટેના અભિયાનની શરૂઆત કરવામાં આવી છે. માત્ર એક મિસ કોલ દ્વારા યુવાનોને જોડવામાં આવી રહ્યા છે. ભાજપના ત્રણ તબક્કામાં શરૂ કરાયેલા વિસ્તારક અભિયાન અંતર્ગત અત્યાર સુધીમાં લાખો યુવાનો મિસ કોલ કરીને તેમજ ફોર્મ ભરીને ભાજપમાં જોડાયા છે. ભાજપમાં જોડાયેલા આ યુવાનોને ભાજપ દ્વારા યુવા મિત્ર કાર્ડ એનાયત કરવામાં આવ્યું છે. સાથે જ તેમનો પેજ સિમિતિ અને વન બુથ વન 20 યુથમાં પણ સમાવેશ કરાશે અને ચૂંટણીને લગતી તમામ કામગીરી સોંપવામાં આવશે.