વડોદરામાં બોડિયા ગેંગનો આતંક વધી રહ્યો છે. સામાન્ય લોકોતો ઠીક પરંતુ ભાજપ સહિતના મોટો રાજનૈતિક માથા અને ભલભલા VIPને પણ એક જ લાકડે હાંકે છે. બોડિયા ગેંગે BJPના કાર્યકરોને છડેચોક ચણિયા ચોળી પહેરાવીને તા તા થૈયા કરાવ્યા હતા.
જમીન મામલે છેલ્લા કેટલાક વખતથી ગામના બે પટેલો વચ્ચે સંઘર્ષ ચાલતો હતો
ભાજપાના કાર્યકરોની કાર પણ લઈ લીધી હતી બાનમાં
ભાજપ કાર્યકરો મકાવવા ગયા હતા પણ માર ખાઈને આવ્યા
વડોદરા નજીક પોર ગામની કરોડોની જમીનના વિવાદમાં વડોદરા ભાજપના કાર્યકરો નવાયાર્ડ અને નવાપુરાના માથાભારે ઇસમોને સાથે લઇને જમીનનો કબજો ખાલી કરાવવા પહોંચ્યા હતા, ત્યારે ત્યાં અસલમ બોડીયાની ગેંગ સાથે અથડામણ થઇ હતી. જેમાં અસલમની ગેંગે ભાજપના કાર્યકર અને તેમની સાથેના માથાભારે ઇસમોને ચણિયાચોળી પહેરાવી ગરબા કરાવ્યા હતા.
શું છે જમીન વિવાદ?
BJP કાર્યકરના સગાની જમીન વડોદરા ટીપી નંબર 13માં આવેલી હતી જે મુદ્દે છેલ્લા કેટલાક વખતથી ગામના બે પટેલો વચ્ચે સંઘર્ષ ચાલતો હતો. ગામના જ એક પટેલે જમીનનો કબજો પચાવી પાડ્યો હતો. અને આ જમીનનો કબજો સાચવવાની જવાબદારી અસલમ બોડિયાની ગેંગને સોંપાઈ હતી.
BJP કાર્યકરો કેમ પહોંચ્યા હતા માર ખાવા?
BJP કાર્યકરતા પોતાના સંબંધીની આ જમીન ખાલી કરાવવા નવાયાર્ડ અને નવાપુરાના માથાભારે ઇસમોને લઈને પોર ગામે પહોંચ્યા ત્યારે અસલમ બોડિયાના સાગરીતો ત્યાં હાજર જ હતા અને જમીન મુદ્દે બોલાચાલી બાદ અથડામણ થઇ હતી. અને બોડિયાની ગેંગે ભાજપા કાર્યકર્તાઓ ઉપર કાળો કહેર વરસાવ્યો હતો.
કેવી રીતે છૂટ્યા કાર્યકર્તા
આ માથાકૂટમાંથી નવાયાર્ડના માથાભારે ઇસમે અને ભાજપના કાર્યકરે તેમના સ્વર્ગસ્થ આકાની પત્ની સાથે અસલમના સાગરીતને ફોન પર વાત કરાવતા તેણે કહ્યું હતું કે આ અમારા માણસો છે અને તેમની સાથે બીજી કાંઇ હવે વધુ માથાકૂટ કરવાની નથી તેમને છોડી મૂકો. જેથી અસલમના સાગરીતોએ તેમને મુક્ત કર્યા હતા અને તેમની જપ્ત કરેલી કાર પણ પાછી આપી દીધી હતી.