એક તરફ કોરોનાની મહામારી વિશ્વને હંફાવી રહી છે બીજી તરફ ચોમાસું મંડાઈ ગયું છે ત્યારે વધુ એક આકાશી આફત આવી રહી છે. ગુજરાત સહિત 6 રાજ્યોમાં કૃષિમંત્રાલય દ્વારા તીડના આક્રમણ અંગે હાઈઅલર્ટ આપવામાં આવ્યું છે.
ભારતમાં ફરી તીડનું ઝૂંડ કરી શકે છે હુમલો
કૃષિ મંત્રાલયે 6 રાજ્યોમાં તીડનું હાઇએલર્ટ જારી કર્યું
રાજસ્થાન, મધ્યપ્રદેશ, પંજાબ, ગુજરાત, ઉત્તરપ્રદેશ અને હરિયાણામાં પણ તીડને લઇ હાઇએલર્ટ
ભારત પર ફરી તીડનું ઝૂંડ હુમલો કરી શકે છે. પૂર્વી આફ્રિકી દેશ સોમાલિયાથી તીડનું ઝૂંડ ફરી ભારત પર હુમલો કરી શકે છે. કૃષિ મંત્રાલયે તીડના હુમલાને લઇ 6 રાજ્યોમાં અલર્ટ જારી કર્યું છે. કૃષિ મંત્રાલયે રાજસ્થાન, મધ્યપ્રદેશ, પંજાબ, ગુજરાત, ઉત્તરપ્રદેશ અને હરિયાણામાં તીડના હુમલાનું અલર્ટ આપ્યું છે. અને આ રાજ્યોમાં દવાનો છંટકાવ કરવામાં આવી રહ્યો છે. જો કે હજુ સુધી તીડના કારણે વધુ નુકસાન નથી થયું.
મધ્યપ્રદેશના ટીકમગઢ જિલ્લામાં પણ તીડનું ઝૂંડ સક્રિય
સંયુક્ત રાષ્ટ્રના ખાદ્ય અને કૃષિ સંગઠને કહ્યું કે આફ્રિકાથી આવનારું તીડનું ઝૂંડનો હુમલો છેલ્લા 70 વર્ષમાં સૌથી ખતરનાક છે. હાલ અપરિપક્વ તીડનું ઝૂડ રાજસ્થાનના જેસલમેર, બાડમેર, જોધપુર, નાગૌર, સિકાર, જયપુર અને અલવરમાં સક્રિય છે. ઉપરાંત મધ્યપ્રદેશના ટીકમગઢ જિલ્લામાં પણ તીડનું ઝૂંડ સક્રિય છે.
ડ્રોનની મદદથી તીડ સામે લડવાની તૈયારીઓ
રાજસ્થાન, મધ્યપ્રદેશ, પંજાબ, ગુજરાત, ઉત્તરપ્રદેશ અને હરિયાણામાં 1 લાખ 32 હજાર 777 હેક્ટર ભૂમિ પર તીડ કંટ્રોલ અભિયાન ચલાવામાં આવ્યું છે. અત્યાર સુધી જેસલમેર, બાડમેર, જોધપુર, બીકાનેર અને નાગૌરમાં 12 ડ્રોનની મદદ લેવામાં આવી છે.