પૂર / Video:અમરેલીની શેત્રુંજીમાં દસથી વધુ પશુઓ તણાયા 

અમરેલીમાં વરસી રહેલા વરસાદને પગલે નદીઓમાં પાણીની ખુબ આવક થઈ છે.  ત્યારે જિલ્લાની નદીમાં પશુઓ તણાઈ  રહ્યા  છે. નદીમાં પશુઓ તણાતા હોય તેવો વીડિઓ વાઈરલ થયો છે. ધારી - મીઠાપુર, દલખાણીયા સહિતના વિસ્તારોમાં વરસાદ ખાબકતા શેત્રુંજી નદીમાં ઘોડાપુર આવ્યું છે.

તણાયેલા પશુમાંથી એકેયના નથી થયા મોત
નદી ગાંડીતૂર થઈને બે કાંઠે વહી રહી છે ત્યારે આ ઘોડાપૂરમાં દસથી વધુ ગાય ભેંસ સહિતના પશુઓ પાણીના વહેણમાં તણાતા હોય તેવો વીડિયો સામે આવ્યો છે.  જ્યારે કોઈ કુદરતી આફત ચાહે તે દુષ્કાળ હોય કે, અતિવૃષ્ટી ત્યારે સૌથી વધુ ભોગ અબોલ પશુઓનો લેવાય છે.  જોકે વહેતા વહેણમાં થોડા અંતરે સુધી પાણીમાં તણાયા બાદ કિનારે નીકળી ગયા હતાં. કોઈપણ પશુઓના મોત થયા નથી.પશુઓ પાણીના વહેણમાંથી કિનારા પર જાતે નીકળી ગયા હતાં. પશુઓમાં પણ કુદરતે અજબની શક્તિ આપી છે. 

અમરેલી જિલ્લામાં ક્યાં કેટલો વરસાદ
છેલ્લા બે દિવસથી વરસાદને કારણે સામન્ય જનજીવન પણ ખોરંભે ચઢ્યુ છે. અમરેલી જિલ્લામાં 24 કલાકમાં સાર્વત્રિક વરસાદ છે. જેમાં અમરેલીમાં પોણો ઈંચ, ખાંભામાં અડધો ઈંચ વરસાદ
જાફરાબાદમાં 2.5 ઈંચ, ધારીમાં 2 ઈંચ, બગસરામાં 2 ઈંચ, બાબરામાં અડધો ઈંચ, રાજુલામાં સવા 3 ઈંચ વરસાદ, લાઠીમાં અડધો ઈંચ, લીલીયામાં અડધો ઈંચ વરસાદ, વડિયામાં 2 ઈંચ,, સાવરકુંડલામાં 3 ઈંચ વરસાદ વરસાદ ખાબક્યો છે.