ગુજરાતનો મિલ્ખાસિંઘ / અત્યાર સુધી કોઇએ નહીં કર્યું હોય તેવું કામ કરીને અમરેલીના ખેડૂતનો દીકરો આજે સર્જશે વર્લ્ડ રેકોર્ડ

• અમદાવાદી દોડવીરની અનોખી પહેલ
• 72 કલાક ગ્રાઉન્ડમાં દોડીને કરશે રેકોર્ડ
• ગિનિસ બુક વર્લ્ડ રેકોર્ડમાં નોંધાવશે રેકોર્ડ

કહેવાય છે ને સિદ્ધિ તેને જઈને વળે જે પરસેવે ન્હાય. આમ તો સામાન્ય રીતે ગ્રાઉન્ડ પર સતત લોકો દોડતા હોય છે. ત્યારે એક એવો દોડવીર જે સતત 72 કલાક સુધીને ગ્રાઉન્ડમાં દોડીને ફીટ ઇન્ડિયાનો મેસેજ જનતા સુધી પહોચાડવાનો પ્રયાસ કરી રહ્યો છે. સાથે જ 72માં પ્રજાસત્તાક દિને 72 કલાકનું રનિંગ કરીને રેકોર્ડ પણ બનાવશે કોણ છે આ યુવા દોડવીર આવો જાણીએ......

24 વર્ષના ઘનશ્યામ સુદાનીએ દેશને ફીટ રહેવાના મેસેજ સાથે 72 કલાકનું નોન સ્ટોપ રનિંગ કરી રહ્યો છે. ઘનશ્યામ સુદાનીએ રાત-દિવસ એક કરીને સતત રનિંગ કરીને 72માં પ્રજાસતાક દિનની ઉજવણી પણ આ રીતે કરવાનું નક્કી કર્યું છે.

એક નાના ગામડામાંથી આવેલા ખેડૂત પુત્ર ઘનશ્યામ સુદાની 24 વર્ષની વયે ફીટ ઈન્ડિયાનો મેસેજ લઈને લોક જાગૃતિ ફેલાવી રહ્યો છે. સાથે જ ઘનશ્યામ સુદાનીએ અનેક દોડ કોમ્પિટીશનમાં પ્રથમ ક્રમાંકે આવ્યા છે. પ્રથમવાર થઇ રહેલી પ્રજાસત્તાક દિવસની અનોખી ઉજવણીમાં અનેક દોડવીર ઘનશ્યામને પ્રોત્સાહન આપવા આપી રહ્યા છે.

પ્રજાસત્તાક દિવસની ઉજવણી દેશભરમાં થશે ત્યારે નામાંકિત ક્લબ રાજપથ કલબમાં ઘનશ્યામ જેવા દોડવીરના દ્વારા અનોખા અંદાજમાં 72માં પ્રજાસત્તાક દિવસની ઉજવણી કરવામાં આવશે. રાત દિવસ દોડી રહેલા ઘનશ્યામની વોચ માટે સતત સીસીટીવી કેમેરા, મેડીકલ ટીમ દ્વારા તપાસ સહીતની તકેદારી પણ રખાઈ રહી છે. ફીટ ઇન્ડીયાના મેસેજ સાથે દોડ લગાવેલ ખેડૂત પુત્ર ઘનશ્યામ સુદાનીએ સ્પોટ્સ ક્ષેત્રે આગળ વધવાની ઈચ્છા વ્યક્ત કરી છે. સાથે જ 72માં પ્રજાસત્તાક પર 72 કલાકની નોન સ્ટોપ દોડ કરીને ફીટ ઈન્ડિયાનો મેસેજ પૂરો પડી રહ્યા છે.