વિરોધ / રહીશોના ઉગ્ર વિરોધ વચ્ચે મેમ્કો હેલ્થ કવાટર્સના એક નંબરના બ્લોકને પણ તોડવાનું શરૂ કરાયું

સ્થાનિક રહેવાસીઓના વિરોધને જોતાં શહેરકોટડા પોલીસની મદદ લેવાઇ
કવાટર્સમાં કુલ 10 બ્લોક છે જે તબક્કાવાર બાદમાં તોડાશે
બ્લોક નં.7ના જર્જરીત 320 મકાનને તોડી પાડવાની કામગીરી હાથ ધરાઇ હતી

મેમ્કોના મ્યુનિસિપલ હેલ્થ કવાટર્સને અગાઉ રિપેરિંગ મામલે ચાર વખત નોટિસ અપાઇ હતી. ત્યારબાદ આ મકાનનો ઉપયોગ ન કરવા તાકીદ કરાઇ હતી. 

બ્લોક નં.7ના જર્જરીત 320 મકાનને તોડી પાડવાની કામગીરી હાથ ધરાઇ હતી
શહેર કોટડા પોલીસ બંદોબસ્ત વચ્ચે ગઇકાલે એસ્ટેટ વિભાગની ટીમ દ્વારા સ્થાનિક રહેવાસીઓના ઉગ્ર વિરોધ વચ્ચે બ્લોક નં.7ના જર્જરીત 320 મકાનને તોડી પાડવાની કામગીરી હાથ ધરાઇ હતી જે મોડી રાત સુધી ચાલી હતી.

પોલીસની મદદથી તંત્ર આ કામગીરીને આગળ ધપાવશે
આજે બ્લોક નં.1ના કુલ 60 મકાનને તોડી પડાશે. ગઇકાલે સ્થાનિક રહેવાસીઓના વિરોધને જોતાં શહેરકોટડા પોલીસની મદદ લેવાઇ હતી. આજે પણ પોલીસની મદદથી તંત્ર આ કામગીરીને આગળ ધપાવશે. 

દબાણગ્રસ્તો દ્વારા બનાવાયેલા કુલ 221 કાચા મકાન પૈકી 40 મકાનને તોડી પડાયાં
જાણકાર સૂત્રો વધુમાં કહે છે કે, ગઇકાલની કામગીરી દરમ્યાન તંત્ર દ્વારા દબાણગ્રસ્તો દ્વારા બનાવાયેલા કુલ 221 કાચા મકાન પૈકી 40 મકાનને તોડી પડાયાં હતાં. જ્યારે આજે સમગ્ર દિવસ દરમ્યાન બાકીના 179 મકાનને હટાવાશે. હાલના તબકકે આ બે બ્લોક તોડી પાડવા પર તંત્રએ ધ્યાન કેન્દ્રીત કર્યું છે. જોકે આ કવાટર્સમાં કુલ 10 બ્લોક છે જે તબક્કાવાર બાદમાં તોડાશે.

(તસવીર ઃ પ્રતિકાત્મક છે)