હવામાન / ગુજરાતમાં કેવું રહેશે ચોમાસુ?, અંબાલાલ પટેલની ખેડૂતને રાહત આપતી આગાહી

Ambalal Patel Forecast : ઉનાળાની કાળઝાળ ગરમી વચ્ચે હવે ચોમાસાને લઈ મોટી આગાહી સામે આવી છે. રાજ્યમાં ખેડૂતો માટે સારા સમાચાર સ્વરૂપે હવામાન નિષ્ણાંત અંબાલાલ પટેલે મોટી આગાહી કરી છે. અંબાલાલ પટેલની આગાહી મુજબ રાજ્યમાં આ વર્ષે 100 ટકા કરતા વધુ વરસાદ રહેશે. મહત્વનું છે કે, હાલ અંગ દઝાડતી ગરમી પડી રહી છે. આ તરફ હવે લોકો ગરમીથી રક્ષણ મેળવવા ઠંડા પીણાંનો સહારો લઈ રહ્યા છે તો બપોરના સમયે ઘરની બહાર નીકળવાનું પણ ટાળી રહ્યા છે. આ બધાની વચ્ચે અંબાલાલ પટેલે આગાહી કરી છે કે, આ વર્ષે વરસાદ વહેલો આવવાની શક્યતા છે.

રાજ્યમાં ચોમાસુ સામાન્ય કરતા વધારે રહેશેઃ અંબાલાલ

હવામાન નિષ્ણાંત અંબાલાલ પટેલે રાજ્યમાં ચોમાસાને લઈ આગાહી કરતાં જણાવ્યું છે કે, રાજ્યમાં ચોમાસુ સામાન્ય કરતા વધારે રહેશે. આ સાથે કહ્યું કે, રાજ્યમાં આ વર્ષે 100 ટકા કરતા વધુ વરસાદ રહેશે તો આ વર્ષે વરસાદ વહેલો આવવાની શક્યતા છે. અંબાલાલ પટેલની આગાહી મુજબ રોહિણી નક્ષત્રમાં 25 મે થી 4 જૂન વચ્ચે વરસાદ આવી શકે છે. આ સાથે વરસાદ સાથે આ વર્ષે ગાજવીજ અને પવનનું જોર વધારે રહેશેત તેવી આગાહી અંબાલાલ પટેલે કરી છે.

વધુ વાંચો : ગુજરાતમાં ગરમીનો પારો ઉંચકાશે, આ વિસ્તારમાં બે દિવસ માટે યેલો એલર્ટ જાહેર

જાણો બીજું શું કહ્યું અંબાલાલ પટેલે ?

હવામાન નિષ્ણાંત અંબાલાલ પટેલે આગાહી કરતાં કહ્યું કે, આગામી તારીખ 18 મે થી 25 મે વચ્ચે અંદમાન નિકોબાર ટાપુ પર ચોમાસુ બેસી જશે. આ સાથે બંગાળના ઉપસાગરમાં ભારે વાવાઝોડા બનશે તો અરબી સમુદ્રમાં પણ વાવાઝોડું ઉદભવી શકે છે. તેમણે વધુમાં જણાવ્યું કે, 8 જૂન થી દરિયામાં પવનો બદલાશે અને પવનનું જોર વધશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ