સૂર્યગ્રહણ / ગુજરાતમાં અંબાજી, સોમનાથ સહિતના મંદિરો સૂર્યગ્રહણને કારણે આજ બપોર સુધી બંધ રહેશે

• ગ્રહણમાં શું છે ધાર્મિક વીધી
• ગ્રહણની વિગત
• મંદિરોના સમય કેમ બદલાયો

બુધવારે રાત્રે 8થી વેધનો પ્રારંભ થઇ ગયો હતો. ગુરૂવારે સવારે 8:06ના ગ્રહણ સ્પર્શ છે જ્યારે ગ્રહણ મોક્ષ સવારે 10:52થી છે. પ્રાત: આરતી, પૂજન ઈત્યાદી પૂજાવિધિ કાર્યો થશે નહીં . પ્રથમ મહાપૂજા આરતી મધ્યાહને ગ્રહણ મોક્ષ બાદ જ કરાશે. મધ્યાહન પૂજન-આરતી નિયત સમયમાં કરાશે. ' શાસ્ત્રવિદોના મતે આપણા હિન્દુ શાસ્ત્રોમાં બે પ્રકારના ગ્રહણનું પ્રતિપાદન કરવામાં આવે છે. જેમાં એક સૂર્યગ્રહણ અને બીજું ચંદ્રગ્રહણ છે.

આકાશમાં અદ્ભૂત-અલૌકિક ખગોળિય ઘટના સૂર્યગ્રહણ થવાનું છે. માગશર કૃષ્ણપક્ષ અમાસના ધન રાશિ મૂળ નક્ષત્રમાં થનારા કંકણવૃતિ, ખંડગ્રાસ સૂર્યગ્રહણ ભારતમાં દેખાશે. ગુજરાતમાં આ સૂર્યગ્રહણ ખંડગ્રાસ રહેશે. ખંડગ્રાસ સૂર્યગ્રહણને પગલે જ્યોર્તિલિંગ સોમનાથ, શક્તિપીઠ અંબાજી સહિતના મંદિરોમાં ગુરૂવારે દર્શનનના સમયમાં ફેરફાર કરાયો છે. મોટાભાગના મંદિરોમાં બપોરે 12 બાદ જ દર્શન થઇ શકશે

ગ્રહણમાં શું છે ધાર્મિક વીધી

ચાલુ ગ્રહણે એક જ સૃથાને બેસીને ભગવાનના મંત્રોનો જાપ-કીર્તન કરવું જોઇએ. સૂર્ય ગ્રહણ-ચંદ્રગ્રહણ વખતે રાંધેલું અન્ન વધેલું પડયું હોય તો ત્યજવું. શણ-ઉન-દર્ભ-રેશમ આ પૈકી કોઇ પણ વસ્તુના વણેલા કાપડ-ધાબળી, આસન કે અંબર પવિત્ર ગણ્યા છે. સુતરાઉ કપડાં, આસન વગેરેનો સ્પર્શ ગ્રહણ દરમિયાન થઇ શકે નહીં. સૂર્યગ્રહણના અંતે સર્વે મનુષ્યોએ વસ્ત્ર સહિત સ્નાન કરવું જોઇએ.' 

 
ગ્રહણની વિગત

• વેધ પ્રારંભ : 25 ડિસેમ્બબર-બુધવાર રાત્રે 8થી.
• ગ્રહણ સ્પર્શ : 26 ડિસેમ્બર-ગુરૂવાર સવારે 8:06થી.
• ગ્રહણ મધ્ય : 26 ડિસેમ્બર-ગુરૂવારે સવારે 9:21થી.
• ગ્રહણ મોક્ષ : 26 ડિસેમ્બર-ગુરૂવાર સવારે 10:52થી. 

ગ્રહણના દિવસે કયા મંદિરના સમયમાં શું પરિવર્તન?

સોમનાથ મંદિર

25 ડિસેમ્બર : પ્રક્ષાલનકાર્ય, શયન આરતી વગેરે કાર્યો સાંજે 7:30થી 8 સુધીમાં સંપન્ન કરાશે. 

26 ડિસેમ્બર : પ્રાત: આરતી, પૂજન ઈત્યાદી પૂજાવિિધ કાર્યો થશે નહીં . પ્રથમ મહાપૂજા આરતી મધ્યાહને ગ્રહણ મોક્ષ બાદ જ કરાશે. મધ્યાહન પૂજન-આરતી નિયત સમયમાં કરાશે.

શક્તિપીઠ અંબાજી 

25 ડિસેમ્બર રાત્રે 8થી 26 ડિસેમ્બર બપોરે 1 સુધી મંદિર બંધ રહેશે. 26 ડિસેમ્બરે રાજભોગ/ સવારની આરતી બપોરે 1 થી 1:30, બપોરના દર્શન 1:30થી 4:15, મંદિર મંગળ  બપોરે 4:15થી 6:30, સાંજના દર્શન 7થી 9, મંદિર મંગળ રાત્રે 9થી રહેશે. 27 ડિસેમ્બરથી રાબેતા મુજબ દર્શન થશે. 

ડાકોર-રણછોડરાયજી મંદિર

26 ડિસેમ્બર-ગુરૂવારે સવારે 6:15થી સવારે 11:45 સુધી મંદિર બંધ રહેશે. સવારે 11:45ના નીજ મંદિર ખુલીને બપોરે 12ના મંગળા આરતી થશે. આ પછી બપોરે 1:30થી 2, બપોરે 2:30થી 3, બપોરે 3:30થી 4 દર્શન થઇ શકશે. બપોરે 4:14ના નિજ મંદિર ખુલી 4:30 કલાકે ઉતૃથાપન આરતીના દર્શન થઇ નિત્યક્રમ અનુસાર શયન ભોગ-સખડી ભોગ આરોગી રણછોડજી મહારાજ પોઢી જશે. 

કેમ્પ હનુમાન મંદિર-અમદાવાદ

સવારની આરતી નહીં કરવામાં આવે, ભક્તો દર્શન કરી શકશે પણ ભોગ ધરાવી નહીં શકે. બપોરે 12 બાદ રાબેતામુજબ દર્શન થઇ શકશે. 

જગન્નાથ મંદિર, અમદાવાદ

મંગળા આરતી-સવારના દર્શન નહીં થાય. સવારે 11:30ના આરતી સાથે મંદિરમાં રાબેતા મુજબ દર્શન થઇ શકશે. 

ઇસ્કોન મંદિર-અમદાવાદ

25 ડિસેમ્બરે રાત્રે 9:30થી મંદિર બંધ થશે. આ પછી 26 ડિસેમ્બર-ગુરૂવારના બપોરે 4:00 સુધી મંદિર બંધ રહેશે અને દર્શન થશે નહીં. આ પછી રાબેતા મુજબ દર્શન થઇ શકશે.

કલ્યાણ પુષ્ટિ હવેલી- વસ્ત્રાપુર

મંગળા દર્શન સવારે 7:15થી 7:45, શ્રૂંગાર દર્શન : ભીતરમાં (દર્શન થશે નહીં), 
રાજભોગ દર્શન : બપોરે 1 થી 1:30, 
ઉતૃથાપન-ભોગ સંધ્યા દર્શન : ભીતરમાં (દર્શન નહીં), 
શયન દર્શન : સાંજે 7:30થી 8. 
ગ્રહણ સ્પર્શ : સવારે 8:08થી ગ્રહણ મોક્ષ સવારે 10:53 કલાક સુધી હવેલીમાં દર્શન ખુલ્લા રહેશે.