આજે તંત્રનાં આદેશ બાદ રાજ્યભરનાં તમામ RTO કાર્યરત રાખવામાં આવ્યાં છે. મોટર વ્હીકલ એક્ટ અનુસાર ટ્રાફિકનાં નવા કાયદા (Motor Vehicle Act 2019)નાં અમલ બાદ RTO કચેરીમાં અરજદારોની ખૂબ લાંબી કતારો જોવા મળી રહી છે. જેમાં લાયસન્સ અને HSRPની પ્રક્રિયા માટે લોકોનો ભારે ધસારો જોવા મળી રહ્યો છે. અરજદારો માટે આજે રજાના દિવસે પણ રાજ્યભરની તમામ RTO કચેરીને ચાલુ રાખવાનો નિર્ણય લેવામાં આવ્યો છે.
પરિપત્ર મુજબ આજે લર્નીગ લાયસન્સની કામગીરી નહીં
આજે કચેરીમાં બેકલોગનાં કામ કરવામાં આવશે
રાજકોટમાં રિક્ષા ચાલકો માટે વિશેષ કેમ્પ બોલાવાયો
જેને લીધે કામગીરીના સમયમાં વધારો કરાતા અમદાવાદ RTO કચેરી પણ સવારનાં 1 વાગ્યાથી અને સાંજનાં 1 વાગ્યા વધુ કાર્યરત રહેશે. જેથી RTO ઓફિસ સવારનાં 10.30ને બદલે 9.30 વાગ્યે ખુલી ગઈ હતી અને સાંજનાં 7 વાગ્યા સુધી ઓફિસ ચાલુ રહેશે.
વડોદરામાં આજે રજાના દિવસે પણ RTO કાર્યરત છે. ટ્રાફિકના નવા નિયમની જાહેરાત બાદ RTOમાં અરજદારોની લાંબી લાઈન લાગી છે. રજાના દિવસે તંત્ર દ્વારા RTO ચાલુ રાખવાના આદેશ આપવામાં આવ્યાં છે. RTOમાં આજે લર્નિગ લાયસન્સ અને વાહનના તમામ કામ થઈ રહ્યાં છે. પરિપત્ર મુજબ આજે લર્નીગ લાયસન્સની કામગીરી નથી થઈ રહી. પરિપત્ર છતાં લાભાર્થીઓ માટે RTOનું માનવતા વલણ જોવા મળ્યું. મોટી સંખ્યામાં વાહન ચાલકો RTO કચેરીમાં પહોંચ્યાં હતાં. આજે સાંજનાં 6 વાગ્યા સુધી RTO કચેરી કાર્યરત રહેશે.
એ જ રીતે સુરતમાં પણ આજે રજાનાં દિવસે પણ RTOની કામગીરી ચાલુ છે. રજાનો દિવસ હોવા છતા આજે RTOમાં વહેલી સવારથી લાઈન લાગી છે. આજે RTOમાં બેકલોગનાં કામ કરવામાં આવી રહ્યાં છે. ટ્રાફિકના નવા નિયમ જાહેર થયા બાદ RTOમાં લોકો કામગીરી કરવા માટે પહોંચી રહ્યાં છે. વહેલી સવારથી RTOમાં લોકોનો ધસારો જોવા મળી રહ્યો છે.
રવિવારના દિવસે RTOની કામગીરી ચાલુ હોવાના કારણે આજે વહેલી સવારથી જ RTOમાં અરજદારોની લાંબી લાઈનો લાગી છે. વહેલી સવારથી જ લોકો લાયસન્સ સહિતની કામગીરી કરાવવા માટે લાઈનમાં લાગ્યા છે. મહત્વનું છે કે આજે RTOમાં બેકલોગનાં કામ થશે. રાજ્યભરનાં RTO રવિવારે ચાલુ રાખવાના આદેશ આપવામાં આવ્યાં છે. જેને લઈને આજે સુરત RTOમાં 10.30 વાગ્યાથી કામગીરી ચાલુ થશે.
બીજી બાજુ રાજકોટ RTOમાં પણ કચેરીમાં અરજદારોની લાબી લાઈન લાગી રહી છે. રવિવારે રજાનો દિવસ હોવાનાં કારણે મોટી સંખ્યામાં લોકો લાઈસન્સ સહિતની કામગીરીને લઈને પહોંચ્યાં છે. રાજકોટ RTOમાં આજે વહેલી સવારથી રિક્ષાચાલકોની લાઈન જોવા મળી છે. RTO દ્વારા રિક્ષા ચાલકો માટે વિશેષ કેમ્પ બોલાવવામાં આવ્યો છે. રાજ્યનાં તમામ RTOમાં હજી તો ઓફિસ શરૂ થાય તે પહેલા જ લોકો લાઈનમાં લાગી ગયા છે.
આજે રજા હોવાના કારણે મોટી સંખ્યામાં લોકો વહેલી સવારથી જ લાંબી લાઇનો બનાવીને ઉભા રહી ગયા છે. ટ્રાફિકના નવા કાયદાની જાહેરાત થયા બાદ લોકોની RTOમાં ભારે ભીડ જોવા મળી રહી છે. એક તરફ RTOમાં સર્વરમાં ખામીનાં કારણે લોકોને હાલાંકી થાય છે તો બીજી તરફ લાંબી લાગી રહેલી લાઈનથી પણ લોકોને પરેશાની થાય છે.