રાજકારણ / ગુજરાતના રાજકારણના મોટા સમાચાર : પાટીદાર CMની ચર્ચાઓ વચ્ચે ભાજપ કરશે આ કામ, બધા ધારાસભ્યો રહેશે હાજર

• આજે ભાજપના ધારાસભ્યોની બેઠક 
• અરવિંદ કેજરિવાલની મુલાકાત મુદ્દે પણ બેઠકમાં ચર્ચા: સૂત્ર
• બેઠકમાં કોવિડ કામગીરીના લેખાજોખા વિશે થશે ચર્ચા: સૂત્ર 

કોરોના વાયરસના કેસ ઓછા થતાંની સાથે જ ભારતમાં ફરી રાજકારણીઓ સક્રિય થઈ ગયા છે, વર્ષ 2022માં ભારતના છ મોટા રાજ્યોમાં વિધાનસભાની ચૂંટણી થવા જઈ રહી છે જેમાં યુપી અને ગુજરાતમાં સૌથી વધારે મહત્વના રાજ્ય છે ત્યારે ગુજરાતમાં છેલ્લા 10 દિવસથી રાજકીય હલચલ ખૂબ જ તેજ થઈ ગઈ છે. ચૂંટણીને હજુ મહિનાઓ બાકી છે છતાં રાજકારણમાં ગરમાવો આવી ગયો છે. 

પાટીદાર મુખ્યમંત્રીની ચર્ચા વચ્ચે ભાજપના ધારાસભ્યોની બેઠક મહત્વની
એક બાજુ આમ આદમી પાર્ટી દ્વારા ગુજરાતમાં અત્યારથી તૈયારીઓ ચાલુ કરી દેવામાં આવી છે ત્યાં ભાજપ દ્વારા પણ નેતાઓનો બેઠકોનો દોર શરૂ થઈ ગયો. આ સિવાય પાટીદાર સમાજના અગ્રણીઓ પણ એક થઈ રહ્યા છે ત્યારે આજે ભાજપ નેતાઓ દ્વારા મોટી બેઠક થવા જઈ રહી છે. 

બેઠકમાં કોરોનાકાળ દરમિયાનની કામગીરીના લેખાજોખા વિશે થશે ચર્ચા
આજે ભાજપના બધા જ ધારાસભ્યોની બેઠક થવાની છે. વિધાનસભામાં સાંજે ચાર વાગે આ બેઠક કરવામાં આવસાહે જેમાં રાજ્યના સીએમ અને નાયબ મુખ્યમંત્રી સહિત પ્રદેશ પ્રમુખ પણ ભાગ લેશે. માનવામાં આવી રહ્યું છે કે આ બેઠકમાં ગુજરાતના પ્રભારી ભૂપેન્દ્ર યાદવ પણ જોડાઈ શકે છે.

મુખ્યમંત્રી, નાયબ મુખ્યમંત્રી, પ્રદેશ પ્રમુખ રહેશે ઉપસ્થિત
સૂત્રો અનુસાર મળતી માહિતી મુજબ આ બેઠકમાં ભાજપ દ્વારા વિધાનસભાની ચૂંટણી મુદ્દે ધારાસભ્યો સાથે ચર્ચા કરવામાં આવશે અને કોરોના વાયરસના ગ્રાઉન્ડ રિપોર્ટ પર ચર્ચા કરવામાં આવશે. રાજ્યમાં કેજરીવાલની એન્ટ્રી મુદ્દે પણ બેઠકમાં ચર્ચા થાય તેવી પ્રબળ સંભાવના છે ત્યારે ગુજરાતના ભાજપના બધા જ ધારાસભ્યોને હાજર રહેવાના આદેશ આપવામાં આવ્યા છે. 

નોંધનીય છે કે આ પહેલા ગુજરાતના ભાજપ પ્રભારી ભૂપેન્દ્ર યાદવ બે દિવસના ગુજરાત પ્રવાસ પર આવેલા હતા જ્યાં તેમને ગુજરાતના દિગ્ગજ નેતાઓ સાથે એક એક કરીને મુલાકાત કરી હતી. 

કયા સંભવિત મુદ્દા બેઠકમાં રહેશે? 

2022ની વિધાનસભા ચૂંટણી બેઠકનો મહત્વનો મુદ્દો
કોરોનાની સ્થિતિના ગ્રાઉન્ડ રિપોર્ટ વિશે ચર્ચા
પ્રભારીએ કરેલી કોર મિટિંગની પણ બેઠકમાં થશે ચર્ચા
બેઠકમાં કોવિડ કામગીરીના લેખાજોખા વિશે થશે ચર્ચા
અરવિંદ કેજરિવાલની મુલાકાત મુદ્દે પણ બેઠકમાં ચર્ચા: સૂત્ર