ગુજરાત રાજ્યને ગાંધીના ગુજરાત તરીકે દેશમાં ઓળખવામાં આવે છે. પણ વાસ્તવિકતા કંઇક અલગ જ છે એ તો હવે બધાને ખબર છે. 'હેલ્થ પરમિટ' જેવા ગતકડા કરીને લોકો છટકબારી શોધી જ લેતા હોય છે.
ગાંધીના ગુજરાતમાં વિદેશી દારૂની રેલમછેલ
આ નિયમોનો થઈ રહ્યો છે દુરુપિયોગ
અમદાવાદમાં સૌથી વધારે પીવે છે પરમિટવાળો દારૂ
દારૂબંધીના નિયમોના ધજાગરા
ગુજરાતમાં વર્ષોથી દારૂબંદી છે એ તો બધાને ખબર છે. પણ એ કેટલા અંશે અનુસરવામાં આવે છે તે પણ લગભગ બધાને ખબર જ છે. ગુજરાત બાદ બિહાર સહિતના રાજ્યો દારૂબંદી તરફ વળ્યા અને તેને ચૂંટણી મુદ્દા બનાવીને વાહવાહી પણ મેળવી. પણ ગુજરાતનાં પગલે પરીવર્તન બીજા રાજ્યોમાં આવ્યું કે નહીં એ તો ભગવાન જાણે પણ ગુજરાતમાં તો આ પરિવર્તન આવી ગયું છે કે ઘણી અલગ અલગ તરકીબો વાપરીને લોકો દારૂનો જુગાડ પાડી જ દે છે.
વિદેશી દારૂની રેલમછેલ
ગુજરાતમાં માત્ર દેશી જ નહીં પણ વિદેશી બ્રાન્ડેડ દારૂ પીવાનું પણ ચલણ વધ્યું છે. લોકો વિદેશી દારૂની અનુમતિ પણ લગભગ આસાનીથી મેળવી લે છે.
કોરોના કાળમાં વધી પરમિટ
એકલા કોરોના કાળમાં જ વર્ષ 2020-21 માં 3690 નવી પરમિટ આપવામાં આવી હતી.
અમદાવાદમાં પીવાય છે સૌથી વધારે પરમિટવાળો દારૂ
ગુજરાત રાજ્યમાં અમદાવાદ જિલ્લામાં સૌથી વધારે પરમિટવાળો દારૂ પીવાય છે. અમદાવાદમાં 13034 લોકો હેલ્થ પરમિટ હેઠળ દારૂ પીવે છે. સુરતમાં લોકો 8054 લોકો હેલ્થ પરમિટ હેઠળ દારૂ પીવે છે. આ સિવાય મહાત્મા ગાંધીની જન્મભૂમિ પોરબંદરમાં 1989 લોકો હેલ્થ પરમિટ હેઠળ દારૂ પીવે છે. ડાંગ જિલ્લામાં હેલ્થ પરમિટ હેઠળ સૌથી ઓછો દારૂ પીવાતો હોવાનું આંકડાઓ કહે છે. એક અંદાજ મુજબ આખા રાજ્યમાં જેટલા હેલ્થ પરમિટ છે તેમ સૌથી વધારે અમદાવાદ અને ચાર મુખ્ય જિલ્લાઓમાં 70% લોકો હેલ્થ પરમિટ હેઠળ દારૂ પીવે છે. આ ચાર જિલ્લાઓમાં સુરત, અમદાવાદ, વડોદરા અને રાજ્કોટનો સમાવેશ થાય છે.
જિલ્લો
હેલ્થ પરમિટ
મુલાકાતી પરમિટ
પ્રવાસી પરમિટ
અમદાવાદ
13034
475
571
સુરત
8054
197
320
રાજકોટ
3837
1401
199
વડોદરા
2277
748
884
પોરબંદર
1989
0
0
જામનગર
1518
13
121
ગાંધીનગર
1,514
0
0
આણંદ
1287
172
896
ભરૂચ
1,004
73
37
આ નિયમો હેઠળ લોકો મેળવે છે છૂટછાટ
1) હેલ્થ પરમિટ મેળવનારની ઉંમર 40 થી વધારે હોવી જોઈએ.
2) મહિનાની આવક 25 હજારથી વધારે હોવી જોઈએ
3) પોતાના વિસ્તારની સિવિલ હોસ્પિટલમાંથી તપાસ કરાવ્યા બાદ જ અરજી કરી શકાય
4) 40 થી 50 ઉંમર ધરાવતા લોકોને મહિનાના 3 યુનિટ દારૂની પરમીશન મળી શકે છે.
5) 50 થી 65 ઉંમર ધરાવતા લોકોને મહિનાના 4 યુનિટ દારૂની પરમીશન મળી શકે છે.
પણ આ નિયમોનો ગુજરાતમાં મોટાપાયે દુરુપિયોગ થઈ રહ્યો હોવાનું દેખાય છે. આ મામલે આગામી દિવસોમાં શું પગલાં લેવામાં આવે છે એ તો સમય જ કહેશે.