અમદાવાદ / ગુજરાતમાં દારુબંધીનો મામલો પહોંચ્યો હાઈકોર્ટમાં, દારૂબંધી હટશે કે નહીં તેનો ચુકાદો આવશે આ તારીખે

• ગુજરાત હાઈકોર્ટમાં દારૂબંધીને લઈને અરજી
• હાઈકોર્ટમાં અલગ-અલગ બે અરજી થઈ
• દારૂબંધીમાંથી છૂટ ન આપવા કરાઈ અરજી

ગુજરાત દારૂબંધી મામલે બે અલગ-અલગ અરજી થઈ છે. પહેલી અરજી દારૂબંધીમાંથી છૂટ આપવા માટે કરાઈ છે. તો બીજી અરજી છૂટ ન આપવા માટે થઈ છે. ત્યારે હાઈકોર્ટમાં એક અરજદારે દારૂબંધી હટાવવાની અરજી કરી છે. જે બાદ અન્ય એક અરજદારે રજૂઆત દ્વારા કહ્યું કે, જો ગુજરાતમાંથી દારૂબંધીને હટાવવામાં આવશે તો, સામાજીક સ્થિતિ બગડી શકે છે. જો કે, કોર્ટ હવે આ મુદ્દે 1 માર્ચે સુનાવણી કરશે. ગુજરાતને ડ્રાય સ્ટેટ તરીકે ઓળખવામાં આવે છે. ગુજરાત સહિત મિઝોરમ, નાગાલેન્ડ, લક્ષ્યદીપ અને બિહારમાં પણ દારૂબંધીનો કાયદો લાગુ થયો છે.

કોણે કરી દારૂબંધી દૂર કરવાની અરજી

ગુજરાતમાં દારૂબંધી મુદ્દે લોકોના પોતાના વિચાર છે. ઘણા લોકો દારૂ પીવા માટે ખાસ ટ્રીપનો પ્લાનિંગ કરે છે. તો ઘણા લોકો ગુજરાતમાંથી જ દારૂની ખરીદી કરી લે છે. પરંતુ આ વખતે ગાંધીનગરના એક તબીબ અને એક અન્ય મહિલાએ હાઈકોર્ટમાં દારૂબંધી દૂર કરવા માટે અરજી કરી છે. 

દારૂબંધીને દૂર કરવાની અરજીના વિરુદ્ધમાં અરજી

ગાંધીનગરના એક તબીબ અને અન્ય એક મહિલાએ અરજી કરી છે કે, દારૂમુક્તિ હોવી જોઈએ. જે મુદ્દે અરજદારે વિરોધ સાથે કહ્યું કે, દારૂબંધીના નવા કાયદાના કારણે લોકોમાં ડરનો માહોલ રહે છે. જો દારૂમુક્તિ થઈ ગઈ તો, ગુનાખોરી વધી શકે છે.