દૂર્ઘટના / ગઇકાલે સાણંદ GIDCની કંપનીમાં લાગેલી આગ હજુ પણ બેકાબૂ

• સાણંદની GIDCમાં લાગેલી આગ હજુ પણ બેકાબૂ
• આગ કાબૂમાં લેવામાં હાલ અત્યાધુનિક વાહનો કામે લાગ્યા
• ફાયર વિભાગના 3 અધિકારીઓ ઘટનાસ્થળે

સાણંદની કંપનીમાં લાગેલી આગ હજુ પણ બેકાબૂ છે. ગઈકાલથી ફાયર વિભાગ જહેમત ઉઠાવી રહ્યું છે. આગ કાબૂમાં લેવામાં હાલ અત્યાધુનિક વાહનો કામે લાગ્યા છે. હાલ 1 વરુણ પંપની પણ મદદ લેવાઈ રહી છે.

ફાયર વિભાગના 3 અધિકારીઓ ઘટનાસ્થળે છે અને ફાયરનો 30 થી વધુનો સ્ટાફ કામે લાગ્યો છે. સાણંદ GIDCની કંપનીમાં આગ લાગી છે. જાપાનની કંપનીમાં શોર્ટ સર્કિટના કારણે આગ લાગ્યાનું અનુમાન લગાવવામાં આવી રહ્યું છે. આજે સાંજ સુધીમાં આગ પર કાબૂ મેળવાઈ શકે છે.

અમદાવાદમાં સાણંદ GIDCમાં ગઇકાલે લાગેલી આગ હજુ પણ બેકાબૂ બનેલી છે. આ આગને કારણે ગઇકાલે સાણંદ GIDCમાં ધોળે દિવસે રાત જેવો માહોલ સર્જાયો હતો. ધુમાડાના ગોટેગોટા આકાશમાં અને વાતાવરણમાં અંધારપટ કરી દીધો હતો. આગને હજુ કાબુમાં લેતા 24 કલાકથી વધુ સમય લાગી શકે તેવી શક્યતા છે. 

અમદાવાદ સાણંદ GIDCમાં લાગેલી આગ હજુ પણ બેકાબૂ છે. ગઇકાલે 31 જેટલી ફાયર બ્રિગેડની ગાડીઓ ઘટનાસ્થળે હતી. જેમાં 125 થી વધારે કર્મચારીઓની મદદ લેવાઇ હતી. પોલીસ અને કંપની કર્મચારીઓની પણ મદદ લેવામાં આવી હતી. 400 મીટરમાં ફેલાયેલી કંપની આગમાં ખાખ થઇ ગઇ હોવાનું હાલ નજરે પડી રહ્યું છે.