મણિનગરમાં મનપાના ડમ્પરે એક મહિલાને હડફેટે લીધી હતી જેમાં મહિલાનું ઘટના સ્થળે જ મોત નીપજ્યુ હતુ. સ્થાનિકોએ ડમ્પર ડ્રાઈવરને ઝડપી પાડ્યો હતો અને પોલીસને હવાલે કર્યો હતો.
સ્થાનિકોએ પકડી પાડ્યો ડમ્પરચાલકને
AMCનું ડમ્પર મહિલા ઉપર ફરી વળ્યુ
મહિલા છે કેકા શાસ્ત્રી કોલેજમાં પ્રોફેસર
મણિનગરમાં મહિલા ઉપર કોર્પોરેશનનું ડમ્પર ફરી વળ્યુ હતુ. મહિલાનું ઘટનાસ્થળ ઉપર જ મોત થયુ હતુ. 108 સહિત સ્થાનિકો તુરંત જ મદદે દોડી આવ્યા હતા અને પોલીસ પણ ઘટનાસ્થળે પહોંચી હતી.
AMCના ડમ્પરે જેને ટક્કર મારી છે તે મહિલા કેકા શાસ્ત્રી કોલેજમાં પ્રોફેસરની પોસ્ટ ઉપર હતા. તેમનુ નામ આરતી ઝવેરી હતુ. આજે સવારે અચાનક જ મનપાના ડમ્પરે તેમને જોરદાર ટક્કર મારી હતી જેના પરિણામે આરતીબેનનું સ્થળ ઉપર જ મોત થયુ હતુ.
સ્થાનિકોએ ઝડપ્યો ડ્રાઈવરને
અકસ્માત બાદ તુરંત જ સ્થાનિકોએ ડ્રાઈવરને ઝડપી પાડ્યો હતો અને પોલીસને જાણ કરી હતી. મણિનગર પોલીસ પણ તુરંત જ ઘટના સ્થળે દોડી ગઈ હતી. પોલીસે હાલ તો ડ્રાઈવરની ધરપકડ કરીને તપાસ હાથ ધરી છે. આરતીબેનના પરિવારજનોને જાણ કરાતા તેઓ ઘેરા શોકમાં સરી પડ્યા હતા.