અમદાવાદની ટેક્સટાઈલ માર્કેટમાં આયકર વિભાગે દરોડા પાડ્યા છે. દિવાળી તાકડે જ દરોડાને પગલે વેપારીઓમાં ફફડાટ વ્યાપી ગયો હતો. કાલુપુર ક્લોથ માર્કેટમાં એસજી હાઈવે સહિત કુલ 18 સ્થળો દરોડાના પગેલે વેપારીબેડામાં ગુસપુસ શરૂ થઈ ગઈ છે. સિંધુ ભવન રોડ ઉપર પણ ITએ રેડ પાડી છે વળી કેટલાક જમીનદલાલો પણ ITના નિશાના ઉપર છે. આ દરોડામાં કરોડોની બેનામી સંપત્તિનો વ્યવહાર સામે આવવાની શક્યતા છે.
ટેક્સટાઈલ માર્કેટમાં ITના દરોડા
સિંધુભવન રોડ ઉપર પણ ITની રેડ
જમીનદલાલો ઉપર તવઈ
શહેરના રાયપુર અને કાલુપુર વિસ્તારમાં નામચીન વેપારીઓના ત્યાં ITના અધિકારીઓએ વહેલી સવારે દરોડા પાડ્યા છે. સવારથી જ ITની રેડને પગલે વેપારીઓમાં હડબડી મચી ગઈ છે. આ દરોડમાં કરોડોનો બેનામી સંપત્તિનો વ્યવહાર બહાર પડવાની સંભવાના છે. ITના અધિકારીઓએ ક્લોથ માર્કેટ બંધ કરાવ્યુ છે. અમદાવાદના રાયપુરમાં આવી ક્લોથ માર્કેટ છે
અમદાવાદની ટેક્સટાઈલ માર્કેટમાં IT વિભાગના દરોડા
શિવાલી ટેક્સટાઈલ ગ્રુપમાં ITના દરોડા પાડ્યા છે. શિવાલી ટેક્સટાઈલ ગ્રુપના શિવાભાઈ ગોગીયા નામના વેપારીના ત્યાં IT વિભાગે દરોડા પાડ્યા. આ દરમિયાન કરોડો રૂપિયાના બેનામી વ્યવહાર સામે આવે તેવી શક્યતા છે. મોટા પાયે ટેક્સની ચોરી પકડાય તેવી શક્યતા છે.
મોટા સોદાની મળી છે માહિતી
આજે સવારથી આઇટી વિભાગની 18થી વધુ ટીમોએ રામભાઇ ભરવાડ, તેમના પુત્ર ધીરેનભાઇ ભરવાડ, મેવાડા ગ્રૂપ, ગોગિયા ગ્રૂપ, ધવલભાઇ તેલી, પ્રેમ ભાટિયા અને ન્યૂ કલોથ માર્કેટ સહિત રહેઠાણ અને કોમર્શિયલ વિસ્તારમાં આવેલી ઓફિસો પર દરોડાની કામગીરી હાથ ધરી હતી. તાજેતરમાં જ દશેરાના દિવસે જમીન દલાલ દ્વારા કરાવાયેલા જમીનના મોટા સોદાની માહિતીના પગલે વિભાગે સર્વે હાથ ધર્યો છે, જેમાં કરોડોના વ્યવહાર અને મોટી કરચોરીની વિગતો ખૂલે તેવી શક્યતા છે.
આજે સવારથી કુલ 18 સ્થળે સર્વેની કાર્યવાહી
આજે સવારથી કુલ 18 સ્થળે સર્વેની કાર્યવાહી હાથ ધરાઈ છે. આ તપાસ આવતી કાલ સુધી ચાલે તેવી સંભાવના છે. સર્વેના અંતે તમામ સ્થળેથી કરોડોનું કાળું નાણું ઝડપાવાની સંભાવના છે. સૂત્રોમાંથી મળતી માહિતી મુજબ અમદાવાદ ખાતે અલગ-અલગ શહેરોમાંથી દરોડા વિંગના અધિકારીઓને બોલાવવામાં આવ્યા છે ત્યારે આજની કાર્યવાહી બાદ અન્ય સ્થળોએ જ્યાં પણ જમીનોના મોટા કારોબાર થયા હશે ત્યાં મોટા પાયે દરોડાની કાર્યવાહી શરૂ થાય તેવી સંભાવના છે.
સિંધુ ભવન રોડ ઉપર ITની તવઈ
આજે સિંધુ ભવન રોડ પર રહેઠાણ ધરાવતા ટેક્સટાઈલના વેપારીને ત્યાં પણ ચાલી રહેલા સર્વેમાં મોટા પાયે બેનામી વ્યવહાર મળી આવવાની શકયતા છે. આ કામગીરી હાલમાં ચાલુ હોઈ ઓફિસે તેમજ ઘરે રાખેલા તમામ દસ્તાવેજો જપ્ત કરાયા હોવાનું જાણવા મળે છે. IT વિભાગ દ્વારા તમામ સ્થળોએ મોબાઇલ ફોન પણ જપ્ત કરી લેવામાં આવ્યા હતા તેમજ કમ્પ્યૂટર પણ સીલ કરી દેવામાં આવ્યાં છે. તેમના બેન્ક લોકરમાંથી પણ મોટી સંખ્યામાં ઝવેરાત અને બેનામી વ્યવહાર મળી આવવાની શક્યતા છે. IT વિભાગના એડિશનલ કમિશનરની આગેવાની હેઠળની ટુકડીઓ અલગ-અલગ સ્થળે ત્રાટકી છે. આ લખાય છે ત્યારે દરોડાની કામગીરી ચાલુ છે.