આદેશ / અમદાવાદના રોડ શોમાં ટ્રમ્પને જોવા જાઓ તે આ વસ્તુ સાથે લઇ જજો, નહીંતર ધક્કો માથે પડશે

• ટ્રમ્પ-PM મોદીનો રોડ શો
• પોલીસ કમિશ્નરે આદેશ કર્યા
• રોડ શો રૂટ પર આધારકાર્ડ ફરજિયાત

ટ્રમ્પ-PM મોદીના રોડ શોને લઇ પોલીસ કમિશ્નરે કેટલાક આદેશ આપ્યા છે. આ રોડ શોના રૂટ પર ઉભા રહેવા માટે આધારકાર્ડ ફરજિયાત કરવામાં આવ્યું છે. સુભાષબ્રિજ કલેક્ટર ઓફિસ પાસે નોટિસ લગાવવામાં આવી છે. સોસાયટીઓમાં નોટિસ બોર્ડમાં સૂચના લખવામાં આવી છે. રોડ-શો જોવા માટે પોલીસે આપેલું આઇકાર્ડ ફરજિયાત છે. 

સોસાયટીની ઓફિસમાં ડોક્યુમેન્ટ જમા કરાવવા માટે સૂચના આપવામાં આવી છે. 18 ફેબ્રુઆરી પહેલા ડોક્યુમેન્ટ જમા કરાવવા સૂચના આપવામાં આવી છે. લોકોને વાહનો સોસાયટી બહાર ન મુકવા પણ સૂચના આપવામાં આવી છે. હાલ કોઇ મકાન ભાડે આપે તો પણ જાણ કરવા સૂચના આપવામાં આવી છે. 24 ફેબ્રુઆરીના અમદાવાદમાં રોડ-શોનું આયોજન કરવામાં આવ્યું છે.

લોખંડી સુરક્ષા વ્યવસ્થા ગોઠવાઇ

તો બીજી તરફ ટ્રમ્પના આગમનને લઇ લોખંડી સુરક્ષા વ્યવસ્થા ગોઠવવામાં આવી છે. અલગ અલગ વિભાગમાં બંદોબસ્ત ગોઠવવામાં આવશે. સમગ્ર રૂટ પર ૨૦૦ સીસીટીવી કેમેરા અને NSG અને SPG ના અલગ ડ્રોન કેમેરાની નજર રહેશે. સિક્રેટ સર્વિસ અને IB હાજર રહેશે. તો SPG, NSG અને ગુજરાત પોલીસ રહેશે ખડેપગે. જેમાં 25 IPS, 65 ACP, 200 PI, 800 PSI અને 10 હજાર પોલીસકર્મીઓ તૈનાત રહેશે. તો સાથે જ 28 અલગ-અલગ સ્થળો પર પાર્કિંગ વ્યવસ્થા કરાઇ છે.