Saturday, August 17, 2019
સબસ્ક્રાઈબ કરો VTVGujarati ન્યુઝ Whatsapp

ચોમાસું / ગુજરાતમાં ફરી ભારેથી અતિભારે વરસાદની આગાહી, અનેક શહેરોમાં પૂરનું સંકટ

ગુજરાતમાં ફરી ભારેથી અતિભારે વરસાદની આગાહી, અનેક શહેરોમાં પૂરનું સંકટ

ગુજરાતમાં હાલ તો વરસાદે વિરામ લીધો છે. પરંતુ રાજ્યમાં વરસાદની રી-એન્ટ્રીની તૈયારી છે. 15 અને 16 ઓગષ્ટે ફરી વરસાદની આગાહી કરાઈ છે. દક્ષિણ રાજસ્થાનમાં લો પ્રેશર સર્ક્યુલેશન સર્જાયુ છે. જેને લઈને વરસાદની આગાહી કરવામાં આવી છે.

રાજ્યમાં અનેક જિલ્લાઓમાં મેઘરાજા મનમૂકીને વરસ્યા હતા. તો તેઓ ફરી રાજ્યમાં ધમાકેદાર એન્ટ્રી કરશે તેવી આગાહી હવામાન વિભાગ દ્વારા કરવામાં આવી છે. 14 ઓગષ્ટથી રાજ્યભરમાં વરસાદી માહોલ સર્જાશે. રાજ્યના ઉત્તર, મધ્ય, દક્ષિણ અને સૌરાષ્ટ્રમાં વરસાદ થશે.

હવામાન વિભાગના જણાવ્યા અનુસાર, 14મી ઓગસ્ટથી ત્રણ દિવસ ગુજરાતમાં વરસાદી માહોલ બનશે. જેમાં રાજ્યના ઉત્તર, મધ્ય દક્ષિણ અને સૌરાષ્ટ્રમાં વરસાદ પડશે. રાજસ્થાન બોર્ડર પર આવેલા સાબરકાંઠા, બનાસકાંઠા, અરવલ્લી, દાહોદ, મહિસાગર, દમણ, દાદરાનગર હવેલીમાં સારો વરસાદ થઈ શકે છે.

હવામાન વિભાગના અધિકારીના જણાવ્યા અનુસાર, નોર્થ ઓરિસ્સા પર લો પ્રેશર બનેલું છે. જેની મુવમેન્ટ ગુજરાત તરફ હોવાથી રાજ્યમાં ત્રણ દિવસ વરસાદ પડી શકે છે. સાથે દરિયાકાંઠાના વિસ્તારોમાં ભારે પવન ફૂંકાઇ શકે છે. તેથી માછીમારોને દરિયામાં ન જવાની સૂચના આપવામાં આવી છે.

ભાવનગરમાં બપોર બાદ વરસાદ 

ભાવનગરમાં બપોર બાદ વરસાદ થયો છે. શહેરના વિવિધ વિસ્તારોમાં વરસાદ પડ્યો છે. વરસાદના પગલે વાતાવરણમાં ઠંડક પ્રસરી છે. લોકોને ગરમીથી રાહત મળી છે. શહેરના મોતીબાગ, હાઇકોર્ટ રોડ, વાઘાવાડી રોડ, જેલ રોડ, કાળવીબીડ, ભરતનગર સહિતના વિસ્તારોમાં વરસાદ થયો છે.

9 રાજ્યોમાં ભારે વરસાદની ટ્રેન વ્યવહાર પર અસર

છેલ્લા એક અઠવાડિયાથી 9 રાજ્યોમાં સતત વરસાદ વરસી રહ્યો છે. ભારે વરસાદની ટ્રેન વ્યવહાર પર અસર થઈ છે. વરસાદી પાણીથી ટ્રેક ધોવાતા અનેક વેસ્ટર્ન રેલ દ્વારા અનેક ટ્રેન રદ કરવામાં આવી છે. વરસાદના કારણે સિકંદરાબાદ-રાજકોટ એક્સપ્રેસ, પોરબંદર-સિકંદરાબાદ એક્સપ્રેસ, બિકાનેર-યશવંતપુર એક્સપ્રેસ, જયપુર-પુણે એક્સપ્રેસ, ગાંધીધામ-બેંગાલુરુ એક્સપ્રેસ અને મૈસુર-અજમેર એક્સપ્રેસ રદ કરવામાં આવી છે. ટ્રેન રદ થતા મુસાફરોને હાલાકી ભોગવવાનો વારો આવ્યો છે.

જોવા જેવું વધુ જુઓ

બ્રેકિંગ ન્યૂઝ