હવામાન વિભાગે આજથી 5 દિવસ વરસાદની આગાહી કરી છે. જેમાં આજે વડોદરા, ભરૂચ, સુરત, ડાંગ, વલસાડ, તાપી, જૂનાગઢ, ભાવનગર, અમરેલી અને ગીર સોમનાથમાં પણ વરસાદની આગાહી કરવામાં આવી છે.
રાજ્યમાં આજથી 5 દિવસ વરસાદની આગાહી
રાજ્યના અનેક વિસ્તારોમાં વરસાદી માહોલ
ગુજરાતમાં અત્યાર સુધીમાં 85896 હેકટરમાં વાવેતર
રાજ્યમાં અસહ્ય ગરમી વચ્ચે હવામાન વિભાગ દ્વારા વરસાદની આગાહી કરવામાં આવી છે. હવામાન વિભાગે આજથી 5 દિવસ વરસાદની આગાહી કરવામાં આવી છે. જેમાં આજે વડોદરા, ભરૂચ, સુરત, ડાંગ, વલસાડ, તાપી, જૂનાગઢ, ભાવનગર, અમરેલી અને ગીર સોમનાથમાં પણ વરસાદની આગાહી કરાઇ છે. આ સાથે આવતીકાલે એટલે કે રવિવારે અમદાવાદ, સુરત, નવસારી, તાપી, ડાંગ, વલસાડ, ભાવનગર, અમરેલીમાં વરસાદની હવામાન વિભાગે આગાહી કરી છે.
રવિવારે વરસાદી માહોલ રહેશે
હવામાન વિભાગની અગાહી મુજબ રવિવારે અમદાવાદ, આણંદ, ખેડા, ભરૂચ, વડોદરા, સુરત, ડાંગ, તાપી, નવસારી, વલસાડ, ભાવનગર, અમરેલીમાં વરસાદની આગાહી છે. તો વળી સોમવારે પણ અમદાવાદ સહિત રાજ્યમાં સૌરાષ્ટ્ર, દક્ષિણ ગુજરાત અને મધ્ય ગુજરાતમાં વરસાદ વરસી શકે છે.
રાજ્યના અનેક વિસ્તારોમાં વરસાદી માહોલ
હવામાનની આગાહી મુજબ ગીરસોમનાથનાવેરાવળ કોડીનાર સૂત્રાપાડામાં વરસાદી માહોલ જોવા મળી રહ્યો છે. આ સાથે વેરાવળ શહેર સહિત સીમ વિસ્તારમાં વરસાદી ઝાપટુ પડ્યું હતું. આ સાથે સુરતમાં વહેલી સવારથી જ વાદળો જોવા મળ્યા છે. જેને કારણે હવામાં ભેજ અને બફારાનું પ્રમાણ વધ્યું. તો ડાંગના સાપુતારાની તળેટીના વરસાદ વરસ્યો હતો. આ સાથે નવસારી શહેરના વાતાવરણમાં પલટો આવતા મંકોડિયા, દુધિયા તળાવ,સ્ટેશન રોડ વિસ્તારમાં વરસાદી છાંટા પડ્યા હતા. વલસાડ શહેરમાં વહેલી સવારે વીજળીની ગાજવીજ સાથે વરસાદ પડ્યો હતો. અસહ્ય ઉકળાટ બાદ વરસાદ આવતા વાતાવરણમાં ઠંડક પ્રસરી ગઈ છે.
દીવના દરિયામાં કરંટ
ચોમાસાના આગમન પહેલા દીવના દરિયામાં કરંટ જોવા મળ્યો છે. વિગતો મુજબ જલંધર બીચ પર કરંટ જોવા મળ્યો છે. દીવના દરિયામાં પ્રિ-મોન્સૂન એક્ટિવિટી જોવા મળી. જેને લઈ ગુજરાતના અનેક વિસ્તારોમાં વરસાદી છાંટા પડ્યા છે. નોંધનીય છે કે, 3 મહિના સુધી દીવના દરિયામાં ન્હાવા પર પ્રતિબંધ છે.
મુંબઈમાં પણ વરસાદે એન્ટ્રી મારી
મુંબઈમાં ગુરુવારે વરસાદનું આગમન થઈ ચૂક્યું છે. આજે પણ મહારાષ્ટ્રના કેટલાક વિસ્તારમાં વરસાદ થઈ શકે છે. આ સાથે મંગળવાર સુધી પૂર્વ ભારતમાં પણ વરસાદ થઈ શકે છે. આ તરફ હવે હવામાન વિભાગે આગાહી આગાહી કરી છે કે, ચોમાસુ નિર્ધારિત સમય પર શરૂ થઈ શકે છે.
રાજ્યમાં અત્યાર સુધીમાં 85896 હેકટરમાં વાવેતર
સૌથી વધુ કપાસનું 42516 હેકટરમાં વાવેતર
મગફળીનું 35999 હેકટરમાં વાવેતર
સોયાબિનનું 1410 હેકટરમાં વાવેતર
મકાઈનું 61 હેકટરમાં વાવેતર થયું
શકભાજીનું 3171 હેકટરમાં વાવેતર થયું
ઘાંસચારનું 2714 હેકટરમાં વાવેતર
તુવેરનું 16 હેકટરમાં વાવેતર થયું
મગનું 10 હેકટરમાં વાવેતર થયું
ધાન્ય પાકોનું 61 હેકટરમાં વાવેતર થયું
કઠોર પાકોનું 26 હેકટરમાં વાવેતર થયું
તેલીબિયાં પાકોનું 37409 હેકટરમાં વાવેતર થયું