Fastag / રાત નાની અને વેશ ઝાઝા: ગુજરાતમાં 33 લાખથી વધુ વાહનોને ફાસ્ટેગ લગાવવાના બાકી

• રાજ્યમાં 1લી ડિસેમ્બરથી થશે ફાસ્ટેગ સિસ્ટમનો અમલ થવાનો 
• 3 દિવસમાં ૩૩ લાખ જેટલા વાહનોને ફાસ્ટેગ લગાવવા પડશે
• 30 નવેમ્બર સુધી 33 લાખ વાહનોને ફાસ્ટેગથી કનેક્ટ કરવાનો ટાર્ગેટ

ડિસેમ્બર મહિનાથી વાહનોમાં ફાસ્ટેગ ફરજિયાત થઈ ગયા છે ત્યારે હજુ તો રાજ્યમાં 33 લાખ વાહનોને ફાસ્ટેગ લાગ્યા જ નથી. 30 નવેમ્બર સુધીમાં 33 લાખ વાહનોને ફાસ્ટેગથી કનેક્ટ કરવાનો ટાર્ગેટ છે જે ખરેખર ટફ છે. 

કેટલા બૂથ હશે ફાસ્ટેગ માટે

ટોલ બૂથ પર પાંચ કાઉન્ટરમાંથી ચાર ફાસ્ટેગ માટે જ હશે. ટોલ બૂથ પર માત્ર એકજ કાઉન્ટર પર કેશ સ્વીકારાશે. ટોલ બૂથ પર કેશ માટે એકજ કાઉન્ટરને લીધે લાંબી લાઇનો લાગશે. 

ફાસ્ટેગ ને લઈને લોકોમાં પુરતી જાણકારીનો અભાવ

30 નવેમ્બર સુધી 33 લાખ વાહનોને ફાસ્ટેગથી કનેક્ટ કરવાનો ટાર્ગેટ છે. આટલી મોટી સંખ્યામાં ફાસ્ટટેગ માટે પડાપડી થવાની સંભાવના છે ત્યારે આ અફરાતફરી સર્જાવવાનું કારણ લોકોમાં ફાસ્ટેગ માટેની અપૂરતી જાણકારી છે.

કેવી રીતે મળશે ફાસ્ટટેગ?

ઓનલાઈન તેમજ ખાનગી અને સરકારી બેંકોમાંથી ફાસ્ટેગ મેળવી શકાશે. ફાસ્ટેગ માટે DL, PAN કાર્ડ, આધાર કાર્ડ, પાસપોર્ટ પુરાવા તરીકે આપી શકાશે.