અલ્પેશ ઠાકોર મુદ્દે કોંગ્રેસે હવે રીતસરની લડાઈ શરૂ કરી દીધી છે. કોંગ્રેસ હવે અલ્પેશ ઠાકોરની હકાલપટ્ટી કરીને એ સાબિત કરવા મથી રહી છે કે કોઈ વ્યક્તિ નહીં પક્ષ જ મોટો છે. જો કે કોંગ્રેસની અરજી અંગે વિધાનસભાના અધ્યક્ષ હજુ આવતી કાલે નિર્ણય લેશે પરંતુ તે પહેલા કોંગ્રેસને બીજો એક ઝટકો લાગવાના ભણકારા વાગી રહ્યા છે. અલ્પેશ સમર્થક ધારાસભ્ય ધવલશસહ હવે ખૂલીને કોંગ્રેસ સામે બોલવા લાગ્યા છે. જોઈએ એક સાંધતા બીજો તૂટે તેવા કોંગ્રેસના ઘાટનો આ અહેવાલ.
ઉલ્લેખનીય છે કે, રાજ્યમાં લોકસભા ચૂંટણી પત્યા પછી પરિણામોની રાહ જોવાઈ રહી છે. પરંતુ પરિણામ પહેલા કોંગ્રેસ પોતાના વફાદાર અને ગેરવફારોને અલગ તારવી લેવાના મૂડમાં જણાઈ રહી છે. ગત 25 એપ્રિલે કોંગ્રેસના ધારાસભ્ય અશ્વિન કોટવાલ અને બળદેવજી ઠાકોરે વિધાનસભા સચિવને રૂબરૂ મળીને અલ્પેશનું ધારાસભ્યપદ રદ કરાવવા અરજી કરી હતી.
જેને દસ દિવસ પસાર થયા બાદ વિધાનસભા અધ્યક્ષ તરફથી અલ્પેશ મુદ્દે કોઈ કાર્યવાહી કરવમાં આવી ન હતી. ત્યારે હવે ફરીવાર કોંગ્રેસના પ્રદેશ પ્રમુખ અમિત ચાવડા, વિધાનસભા વિરોધ પક્ષના નેતા પરેશ ધાનાણી સહિત અનેક કોંગ્રેસી નેતાઓએ વિધાનસભા અધ્યક્ષ રાજેદ્ર ત્રિવેદીને મળ્યા હતા.
કોંગ્રેસે અલ્પેશ ઠાકોરનું ધારાસભ્યપદ રદ કરવા માટે પોતાની રજૂઆતમાં બીજા અનેક ધારાસભ્યના સસ્પેન્સનના દાખલા રજૂ કર્યા હતા. સમગ્ર વિપક્ષનો આક્ષેપ છે કે, જે રીતે ભગવાનભાઈ બારડનું ધારાસભ્ય પદ રજાના દિવસે સસ્પેન્ડ કરવાનો નિર્ણય કરવામાં આવ્યો હતો અને ભાજપ દ્વારા આ સમગ્ર મામલે ઉતાવળ કરવામાં આવી હતી. તેવી રીતે જ ભૂપેદ્ર ખાંટના કિસ્સામાં પણ ભાજપે મીડિયાની સામેથી બોલાવીને જ સસ્પેન્ડ કરવાનો નિર્ણય કર્યો હતો.
તો પછી સુપ્રીમ કોર્ટનો ચુકાદો હોવા છતાં પણ પબુભા માણેક ને અત્યાર સુધી સસ્પેન્ડ કરવામાં કેમ આવ્યા નથી તેનો હિસાબ અધ્યક્ષ પાસે માંગવામાં આવ્યો હતો. આ શ્રેણીમાં કોંગ્રેસ વિધાનસભાના અધ્યક્ષ પાસે અલ્પેશ ઠાકોરનું ધારાસભ્ય પદ રદ કરવા પણ ઉગ્ર રજૂઆત કરી હતી.
કોંગ્રેસ માટે શિરદર્દ બની ગયેલા અલ્પેશ ઠાકોરને કોંગ્રેસ પોતાના રસ્તામાંથી દૂર કરવા પ્રયાસ કરી રહી છે પરંતુ હજુ તેમાં કોંગ્રેસને સફળતા મળી નથી. અને બીજી તરફ અલ્પેશ હજુ જનતાના સેવક તરીકે કોંગ્રેસના બેનર હેઠળ ધારાસભ્ય તરીકે બિરાજી રહ્યા છે. જો કે, તેના કારણે કોંગ્રેસનું સ્વમાન હણાઈ રહ્યું છે અને નુકસાન પણ થઈ રહ્યું.
કોંગ્રેસ હજુ અલ્પેશ ઠાકોરને પોતાના રસ્તાથી હટાવી શક્યું નથી ત્યાં અલ્પેશ ઠાકોરના સમર્થક એવા ધલવસિંહ ઝાલાએ હવે કોંગ્રેસ વિરોધી રાગ આલાપીને ખૂલ્લી રીતે અલ્પેશના વલણનું સમર્થન કર્યું છે.
આ ધલવસિંહ ઝાલા છે જેને કોંગ્રેસ પોતાનો જ માણસ માનીને નિશશ્ચતતાથી વર્તી રહી હતી. પરંતુ અલ્પેશનું કોકડું ઉકેલાય તે પહેલા ધવલસિંહે પણ કોંગ્રેસ સામે જાણે મોરચો માંડયો છે. નવાઈની વાત તો એ છે કે, આ લોકોએ નવા જ પ્રકારનો વ્યૂહ અપનાવ્યો છે અને આ વ્યૂહ એવો છે કે, કોંગ્રેસમાં જ રહીને કોંગ્રેસને જ નુકસાન પહોંચાડો અને કોંગ્રેસનું નાક દબાવવાની રીતને પોતાના હકની લડાઈ તરીકે ઓળખાવો.
અલ્પેશ ઠાકોરનું સભ્ય પદ રદ થવાનું જેટલા દિવસ પાછું ઠેલવાય તેટવા દિવસ કોંગ્રેસ ગુંચવણમાં જ રહે તેવી એક ચાલી રહી છે. જેનો લાભ માત્ર અલ્પેશ અને તેના સમર્થકો જ નહીં ભાજપ પણ ઉઠાવવા માગે છે.
બાકી જે રીતે અલ્પેશ અને ધવલસિંહ ઝાલા કોંગ્રેસને 23 તારીખે જોઈ લેવાનું અલ્ટિમેટમ આપી રહ્યા છે તે જ કહી રહ્યા છે તેઓ હવે વધારે સમય કોંગ્રેસમાં નથી વિચારવાનું અને આચારવાનું કોંગ્રેસને છે.