Exam / બિનસચિવાલય માત્ર 3173 જગ્યા માટે 10,45,442 પરીક્ષાર્થીઓ આપશે કસોટી

• આજે રાજ્યમાં બિનસચિવાલયની પરીક્ષા
• ગુજરાત ગૌણ સેવા પસંદગી મંડળ દ્વારા લેવાશે પરીક્ષા
• રાજ્યમાંથી 11 લાખ જેટલા ઉમેદવારો આપશે પરીક્ષા

બિન સચિવાલય ક્લાર્ક ઉમેદવારોની આજે પરીક્ષા યોજાઈ છે. ગૌણ સેવા પસંદગી મંડળ વર્ગ-3ની પરીક્ષા છે. ઓફિસ આસિસ્ટન્ટની પોસ્ટ માટે પણ પરીક્ષા યોજાશે. પરીક્ષામાં 
10,45,442 પરીક્ષાર્થીઓ ભાગ લઈ રહ્યા છે. 

બપોરે 12 થી 2 વાગ્યા દરમિયાન પરીક્ષા લેવાશે

બપોરે 12 થી 2 વાગ્યા દરમિયાન પરીક્ષા લેવાશે. વર્ગ 3ની 3901 જગ્યાઓ માટે પરીક્ષા યોજાવાની છે. 3173 કેન્દ્રોમાં લેખિત પરીક્ષા લેવાનું આયોજન કરાયું છે. ઉમેદવારોને સવારે 11 વાગ્યાથી પરીક્ષા કેન્દ્રમાં  પ્રવેશ અપાશે. 

CCTV ફરજીયાત ચાલુ રાખવાની સૂચના

એક મિનિટ પણ મોડા આવનારને પ્રવેશ નહીં અપાય. પરીક્ષાખંડમાં સુપરવાઈઝરને પણ મોબાઈલ નહી રાખી શકે. પરીક્ષાખંડના CCTV ફરજીયાત ચાલુ રાખવાની સૂચના આપી દેવામાં આવી છે. CCTV નથી એવા કેન્દ્ર પર તકેદારી અધિકારીની નિમણૂક કરવામાં આવી છે. OMR માં ભૂલ થાય તો અન્ય OMR ન આપવામાં આવે તેની પણ તકેદારી લેવાશે. 
 
સૌથી વધુ અમદાવાદમાંથી 1.62 લાખ વિદ્યાર્થીઓ પરીક્ષા આપશે. અમદાવાદના 515 પરીક્ષા કેન્દ્ર પર પરીક્ષા યોજાશે.

કયા શહેરમાં કેટલા કેન્દ્રો અને વિદ્યાર્થીઓ

• અમદાવાદમાં 515 કેન્દ્ર પર 1.62 લાખ પરીક્ષાર્થીઓ
• રાજકોટમાં 177 કેન્દ્ર પર 53 હજાર પરીક્ષાર્થીઓ
• જુનાગઢમાં 125 કેન્દ્ર પર 35752 પરીક્ષાર્થીઓ
• બોટાદમાં 47 કેન્દ્ર પર 17 હજાર પરીક્ષાર્થીઓ
• બનાસકાંઠામાં 216 કેન્દ્ર પર 70000 પરીક્ષાર્થીઓ
• સુરેન્દ્રનગરમાં 148 કેન્દ્ર પર 43340 પરીક્ષાર્થીઓ
• ભાવનગરમાં 195 કેન્દ્ર પર 60698 પરીક્ષાર્થીઓ