છેલ્લા 4 દિવસથી ચાલતી રાજ્યના 10 હજાર ડૉક્ટરોની હડતાળ અંતે સમેટાઇ છે. આજે સાંજથી તબીબોએ હડતાળ સમેટવાનું આશ્વાસન આપ્યુ છે.
રાજ્યના 10 હજાર તબીબોની હડતાળ સમેટાઈ
આજે સાંજથી તબીબોએ હડતાળ સમેટવાનું આપ્યુ આશ્વાસન
અગાઉ 4 હજાર તબીબો હડતાળ સમેટી ચૂક્યા છે
ગુજરાતના 10 હજારથી વધારે સરકારી ડૉક્ટર્સે 4 દિવસથી હડતાળ પર છે. ત્યારે હવે આજે સાંજથી ડૉક્ટર્સેએ હડતાળ સમેટવાનું આશ્વાસન આપ્યુ છે. અંતે રાજ્યના તબીબોની હડતાળ સમેટાઈ છે. ગાંધીનગરથી આરોગ્યમંત્રી ઋષિકેશ પટેલે પ્રેસ કોન્ફરન્સ કરી છે. સરકાર દ્વારા ડૉક્ટરોને ખાતરી અપાઈ છે. એડહોક સેવાઓ સળંગ કરવાનો જલ્દીથી નિર્ણય લઇશું. હડતાળનો સુખદ અંદ આવ્યો છે.
ડોક્ટર્સના તમામ પ્રશ્નોનો ઉકેલ લવાયો છેઃ આરોગ્યમંત્રી ઋષિકેશ પટેલ
આરોગ્યમંત્રી ઋષિકેશ પટેલે કહ્યું કે, સરકાર દ્વારા ડોક્ટરોને ખાતરી અપાઈ છે. તબીબી એડહોકને સળંગ કરવાના નિર્ણયો જલ્દી લઈશું. GMERSના તબીબોને પેંશનનો લાભ આપવાનો નિર્ણય લીધો છે. કોરોનાકાળમાં ડોક્ટરોએ સેવા કરી છે. ડોક્ટર્સના તમામ પ્રશ્નોનો ઉકેલ લવાયો છે. 4 હુકમને લઈ અસ્પષ્ટતા હતી એ દૂર કરાઈ છે. મુખ્યમંત્રી સાથે વાતચીત કરી નિર્ણય લેવાયો છે. કોરોનામાં તબીબોએ ખૂબ સારી સારવાર કરી હતી. તબીબોની માંગણીઓ પૂર્ણ કરવા અમે કટિબધ્ધ છીએ. ઉચ્ચ કક્ષાએ વાર્તાલાપ કરીને તબીબોને બાંહેધરી અપાઈ છે. સમય મર્યાદામાં તમામ પ્રશ્નોનો નિકાલ લાવવામાં આવશે.
તમામ સંગઠનોની માગણીઓ પૂર્ણઃ ડૉ. રજનીશ પટેલે
ડૉ.રજનીશ પટેલે કહ્યું કે, અમારી સરકાર સાથે વાટાઘાટો ઘણા સમયથી ચાલતી હતી. અમને વિશ્વાસ છે કે ચર્ચા થઈ એનું પાલન પણ થશે. આજથી અમારા આંદોલન નો સુખદ અંત આવ્યો છે. તમામ સંગઠનોની માંગણીઓ પૂર્ણ કરવામાં આવી છે. તમામ સંગઠનો વાર્તાલાપથી ખુશ છે. હવે ફરીથી આ મંગણીઓને લઈ હડતાલ નહીં કરીએ. હડતાળના કારણે ગુજરાતના દર્દીઓ હેરાન નહીં થાય.
અગાઉ 4 હજાર તબીબો હડતાળ સમેટી ચૂક્યા છે
રાજ્યમાં તબીબોની હડતાળને લઈને અલગ અલગ સંગઠનોમાં ભાગલા પડ્યા છે. GIDA સાથે જોડાયેલા રાજ્યના 4 હજાર સરકારી ડોક્ટર્સ ડ્યુટીમાં જોડાયા છે. CHC અને PHC કેન્દ્ર પર તબીબો કામ પર જોડાયા છે. CM ભૂપેન્દ્ર પટેલ દ્વારા મળેલી બાંહેધરી બાદ GIDA સાથે જોડાયેલા તબીબોએ હડતાળ સમેટી લીધી છે. સોમવાર સુધી GIDA સાથે જોડાયેલા તબીબો સરકારના ઠરાવ રાહ જોશે. રાજ્યના કુલ 10 હજાર તબીબો હડતાળ પર બેઠા હતા. 10 હજાર તબીબોમાંથી 4 હજાર તબીબોએ હડતાળ સમેટી લીધી છે.
કયા ડૉક્ટરો હતા હડતાળ પર
આ હડતાળમાં ગુજરાત મેડિકલ ટીચર્સ એસોસિયેશન, GMERS ફેકલ્ટી એસોસિયેશન, ગુજરાત ઇનસર્વિસ ડૉક્ટર્સ એસોસિયેશન, GMS કલાસ 2 મેડિકલ ઓફિસર્સ એસોસિયેશન, ESIS ડૉક્ટર્સ એસોસિયેશનના ડોકેટરોનો સમાવેશ થાય છે.
ડૉક્ટરોની શું છે માંગ?
ડોક્ટરોની અલગ અલગ માંગણી જેવી કે એડહોક સેવાઓ સળંગ કરવામાં આવે. છેલ્લા 12 વર્ષથી બઢતી કરવામાં આવી નથી, તે બઢતી તાત્કાલિક આપવામાં આવે. રાજ્યની સરકારી મેડિકલ કોલેજમાં 400 પોસ્ટ ખાલી છે તેની સામે 800 મેડિકલ પ્રોફેસર છે, જેમને બઢતી આપી ખાલી 400 પોસ્ટ ભરવામાં આવે. 16 મેના સરકારના ઠરાવ પ્રમાણે નોન પ્રેક્ટિસિંગ અલાઉન્સ,પગારની મહત્તમ મર્યાદા અને પર્સનલ પે ફરી અમલમાં લાવવામાં આવે. રિટાયર્ડ થયેલા તબીબી શિક્ષકોને તાત્કાલિક પેન્શન આપવામાં આવે. તબીબોની કોન્ટ્રાક ભરતી બંધ કરી કાયમી ભરતી કરવામાં આવે. થોડા સમય પહેલાં સરકારે આપેલી બાંહેધરીઓ તાત્કાલિક પૂર્ણ કરવામાં આવે.