રાજ્યના સુરતમાં આવેલ રઘુવીર ટેક્સટાઇલ માર્કેટમાં ભીષણ આગ લાગી છે. ઘટના સ્થળ પર હાલ 40થી વધારે ફાયર બ્રિગેડની ગાડી પહોંચી ગઇ છે. ફાયર બ્રિગેડની ટીમ દ્વારા આગ પર કાબૂ મેળવવા માટે પ્રયત્ન કરવામાં આવી રહ્યો છે.
સુરતના રઘુવીર માર્કેટમાં ભીષણ આગ
રાત્રે 3 વાગ્યાથી લાગેલી આગ હજુ પણ બેકાબૂ
ફાયરની 40થી વધુ ગાડીઓ ઘટના સ્થળે
આગ એટલી બધી ભયંકર લાગી છે કે ચોતરફ ધુમાડો જોવા મળી રહ્યો છે. આગ ભયંકર લાગી હોવાના કારણે ફાયર વિભાગે બ્રિગેડ કોલ જાહેર કર્યો છે.
Gujarat: Fire breaks out in Raghuveer Market in Surat. 40 fire tenders at the spot pic.twitter.com/k0FQRpyFTM
રઘુવીર માર્કેટ સુરતના કુંભારિયા વિસ્તારમાં આવેલી છે. કોમ્પલેક્ષના ત્રીજા અને ચોથા માળે આગ લાગી છે. રાતે 3 વાગ્યાથી લાગેલી આગ પર હજુ સુધી કાબુ મેળવી શકાયો નથી. જો કે આગ શોટ સર્કિટના કારણે લાગી હોવાનું પ્રાથમિક અનુમાન છે.
આગના કારણે 10 માળની કપડા માર્કેટની બિલ્ડિંગ ઝપેટમાં આવી ગઇ છે. જો કે હાલ આગ લાગવાને લઇને કોઇ કારણ સામે આવ્યું નથી. ઉલ્લેખનીય છે કે થોડા દિવસ અગાઉ પણ આ માર્કેટની એક બિલ્ડીંગમાં 9 મા માળે આગનો બનાવ બન્યો હતો.